Sigurður Bjarnason hefur verið ráðinn sem ráðgjafi í viðskiptagreind og vöruhúsum gagna hjá hugbúnaðar- og ráðgjafafyrirtækinu Cubus. Í tilkynningu frá Cubus segir að fyrirtækið hafi bætt við sig þremur nýjum sérfræðingum á skömmum tíma og sé það liður í að efla þjónustu og ráðgjöf til viðskiptavina sem og að eiga betur kost á að vinna að nýjum tækifærum á markaðinum.
Sigurður er sagður eiga sterkan bakgrunn en hann hefur starfað í tólf ár við hönnun vöruhúsagagna, skýrslugerðir, innleiðingar og gagnavinnslu. Hann kemur til Cubus frá Já.is og Gallup þar sem hann starfaði sem sérfræðingur í viðskiptagreind. Þar sá hann meðal annars um stjórnun og uppsetningu á nýjum hugbúnaði og verkferlum, ásamt smíðum við vöruhúss gagna og gagnaleiðsla. Áður var hann ráðgjafi bæði hjá Expectus og Capacent.
„Sigurður kemur inn með sérþekkingu í bakendavinnslu og ráðgjöf við vöruhús gagna, en sú þekking er vandfundin í dag. Hann hefur mikla reynslu af innleiðingu nýrra kerfa og ráðgjöf fyrir alls kyns fyrirtæki. Við tökum Sigurði fagnandi og við hlökkum til að fá hann inn í teymið,“ segir Stefán Rafn Stefánsson, einn af eigendum Cubus.
Frá Já.is og Gallup til Cubus
Kolbeinn Tumi Daðason skrifar

Mest lesið

„Sjóðurinn er gjaldþrota og því falla kröfurnar á ríkið“
Viðskipti innlent

Heiðrún Lind í stjórn Sýnar
Viðskipti innlent

Óvænt verkföll á flugvöllum í Þýskalandi hafa víðtæk áhrif
Viðskipti erlent

Sækja 540 milljarða til að gera upp skuldir ÍL-sjóðs
Viðskipti innlent



Góð ráð: Draumastarfið á draumavinnustaðnum
Atvinnulíf


Sjálfkjörið í stjórn Símans
Viðskipti innlent

Konur oft einangraðar í karllægu umhverfi eldhúsanna
Viðskipti innlent