Steinunn og Guðmundur færa sig til Intellecta

Intellecta hefur bætt við ráðgjöf sína og ráðið til starfa tvo ráðgjafa, þau Guðmund Arnar Þórðarson á sviði upplýsingatækni og Steinunni Ketilsdóttur á sviði stafrænnar fræðslu fyrr á þessu ári. Svo segir í tilkynningu frá Intellecta.

Steinunn Ketilsdóttir ráðgjafi aðstoðar fyrirtæki við innleiðingu stafrænnar fræðslu og að skapa fræðsluumhverfi fyrirtækja. Hún er sögðu hafa mikla reynslu af slíkri innleiðingu. Einnig hafi hún víðtæka stjórnunarreynslu sem ráðgjafi, mannauðsstjóri og frumkvöðull og unnið til nokkurra frumvöðlaverðlauna.

Hún starfaði áður hjá Volcano Warmers, HRV Engineering og Intellecta. Steinunn hefur M.Sc. í viðskipta og hagfræði í árangursstjórnun frá Danmörku og B.Sc. og viðskiptafræði frá Háskóla Íslands.

Guðmundur Arnar Þórðarson, ráðgjafi mun meðal annars taka að sér verkefni við úttektir upplýsingakerfa, hagræðingu, stefnumótun, stjórnskipulag og útvistun.

Hann hefur tveggja áratuga reynslu af upplýsingatækni sem sérfræðingur, ráðgjafi og stjórnandi, en hann starfaði áður hjá Þekkingu. Einnig hefur hann unnið hjá Origo og RB.

Guðmundur Arnar er með MBA gráðu frá HÍ og PMD frá HR auk fjölbreyttrar menntunar á sviði upplýsingatækni og verkefnastjórnunar.