Körfuboltakvöld: Eru Fjölnismenn búnir að missa trúna?

Sérfræðingar Domino's Körfuboltakvölds hafa áhyggjur af því að Fjölnismenn hafi misst trúna á því að þeir geti unnið leiki.

Nýliðar Fjölnis hafa aðeins unnið einn leik af fyrstu sjö og eru í ellefta sæti deildarinnar.

„Ég er að velta fyrir mér hvort Fjölnisleikmennirnir séu að missa trúna. Þeir eru búnir að vera inn í leikjum og tapa þeim,“ sagði Sævar Sævarsson, einn sérfræðinga þáttanna.

„Þeir þurfa að vinna leikina í byrjun til þess að búa sér til einhverja von.“

„Þeir eru bara að átta sig á því hvað þeir eru lélegir og þeir eru búnir að missa trúna á verkefninu.“

Alla umræðuna má sjá hér að neðan.