Steinunn María Sveinsdóttir, sagnfræðingur, hóf störf sem safnstjóri Flugsafns Íslands í gær, föstudag. Steinunn tók við starfinu af Gesti Einari Jónassyni sem hefur gengt starfinu síðastliðin 10 ár. Frá þessu er greint á vef flugsafnsins.
Steinunn er með BA gráðu í sagnfræði og safnafræði frá Aarhus Universitet en hún lagði einnig stund á meistaranám í safnafræði við Háskóla Íslands. Hún hefur starfað sem fagstjóri Síldarminjasafns Íslands síðastliðin fimm ár.
Steinunn María Sveinsdóttir nýr safnstjóri Flugsafns Íslands
