Margir af helstu leikurum Íslands hreinsuðu allt út úr húsi Gísla og Nínu

Leikarahjónin Gísli Örn Garðarsson og Nína Dögg Filippusdóttir tóku þá ákvörðun á árinu að taka hús sitt við Nesveginn á Seltjarnarnesinu alfarið í gegn frá a-ö.

Gulli Byggir fylgist með verkefninu á Stöð 2 og var fyrsti þátturinn um framkvæmdirnar á dagskrá Stöðvar 2 í gær. Hjónin hafa búið í húsinu í fjögur ár en urðu að flytja út úr því á meðan framkvæmdunum stendur.

Þegar framkvæmdir hófust var búið að endurhanna húsið og gera nýjar teikningar. Eitt af því sem átti að gera var að stækka húsið í áttina að sjónum og koma einnig fyrir risastórum glugga sem er um fimm metrar á breidd og yfir tvo metra á hæð. Áætlun sem engum leist í raun vel á þar sem veðráttan er ekki alltaf nægilega góð svona upp við sjó.

Einnig átti að grafa niður fyrir innbyggðum sófa í stofunni.

Þau Gísli og Nína fengu marga af helstu leikurum þjóðarinnar einn daginn á svæðið til að rusla gjörsamlega öllu út úr eigninni og má sjá brot úr þætti gærkvöldsins hér að neðan.