„Pavel er eins og Rambó“

Pavel Ermolinskij dró Val að landi gegn Tindastóli í 4. umferð Domino's deildar karla á fimmtudaginn.

Pavel tryggði Valsmönnum sigur þegar hann setti niður þriggja stiga skot undir lok framlengingarinnar. Lokatölur 95-92, Val í vil.

„Pavel er eins og Rambó. Hann tekur liðið á herðar sér. Þetta er þriðji leikurinn þar sem hann gerir það,“ sagði Sævar Sævarsson í Domino's Körfuboltakvöldi í gær.

Pavel kom til Vals frá KR í sumar. Hann hefur skorað mun meira í rauða búningnum en hann gerði í þeim svarthvíta. Þriggja stiga nýtingin hans í vetur er líka góð, eða 43,8%.

„Pavel gat ekki skotið á árum áður en á síðustu árum hefur hann verið fínn skotmaður. Hann er alltaf með sannfærandi skot,“ sagði Benedikt Guðmundsson.

Innslagið í heild sinni má sjá í spilaranum hér fyrir ofan.