Framlengingin var á sínum stað í Domino's Körfuboltakvöldi í gær.
Lið Njarðvíkur var meðal umræðuefna í Framlengingunni. Sævar Sævarsson segir að Njarðvíkingar þurfi að gera breytingar.
„Rektu útlending þegar þú ert tilbúinn með annan í Leifsstöð. Láttu þá mætast. Elsku Njarðvíkingar, látiði Kanann ykkar [Wayne Martin] fara og fáið ykkur góðan Bosman miðherja og bandarískan leikstjórnanda,“ sagði Sævar.
Sérfræðingarnir veltu líka stöðu Stjörnunnar fyrir sér en liðið tapaði fyrir Keflavík í gær.
„Stjarnan á að vera með lið sem getur keppt um Íslandsmeistaratitilinn en í dag eru þeir fyrir aftan KR. Ég veit ekki hvort þetta er vinsæl skoðun en mér finnst þeir þurfa betri Kana. Þeir þurfa bombu Kana til að geta tekið Íslandsmeistaratitilinn,“ sagði Benedikt Guðmundsson.
Kristinn Friðriksson segir að Keflvíkingar hafi komið sér mest á óvart það sem af er tímabili.
„Ég átti aldrei von á því að Keflavík yrði svona rosalega taktíkst sterkt. Þetta hefur alltaf verið frekar „laus bolti“ hjá þeim og ekki nógu formfastur. Núna er búið að njörva þetta niður í Excel-skjal og þeir fengu frábæra útlendinga,“ sagði Kristinn.
Framlenginguna í heild sinni má sjá í spilaranum hér fyrir ofan.
„Elsku Njarðvíkingar, látiði Kanann ykkar fara“
Tengdar fréttir
„Ef þú koðnar niður undir almennilegri vörn þá er það mjög vandræðalegt“
Fjórar umferðir eru búnar af Dominos-deild kvenna en fjórða umferðin fór fram á miðvikudaginn. Margir spennandi leikir voru á dagskránni.
Sjáðu handalögmálin fyrir norðan: Tveir reknir út úr húsinu
Mönnum var heitt í hamsi fyrir norðan í gær.
„Pavel er eins og Rambó“
Valsmenn geta þakkað Pavel Ermonlinskij fyrir að vera komnir með sex stig í Domino's deild karla.
„Með því besta sem ég hef séð frá honum í upphafi móts“
Jón Arnór Stefánsson og KR-ingar hafa byrjað tímabilið vel.
