Körfuboltakvöld: Simmons besti sóknarmaður deildarinnar

Tindastóll stöðvaði sigurgöngu Stjörnunnar í Domino's deild karla. Tindastóll er með þann leikmann sem hefur heillað hvað mest í upphafi tímabils.

Sérfræðingar Domino's Körfuboltakvölds á Stöð 2 Sport ræddu Tindastólsliðið í uppgjörsþætti gærkvöldsins og var farið fögrum orðum um Bandaríkjamann Tindastóls, Gerel Simmons.

„Mér finnst ofboðslega gaman að horfa á hann spila körfubolta,“ sagði Kjartan Atli Kjartansson.

„Þetta er að mínu mati langsamlega besti sóknarmaður deildarinnar.“

Teitur Örlygsson tók undir orð Kjartans og benti á að Tindastóll væri mjög hentugt lið fyrir Simmons.

„Það hjálpar honum líka að vera í þessu Tindastólsliði því þar eru svo margir strákar sem sætta sig við að vera bara role-players,“ sagði Teitur.

Alla umræðuna má sjá í spilaranum hér að neðan.