Nadal í úrslit og getur unnið nítjánda risatitilinn

Rafael Nadal er kominn í úrslit Opna bandaríska meistaramótsins í tennis eftir sigur á Matteo Berrettini í undanúrslitum.

Þetta er í 27. sinn sem Nadal kemst í úrslitaleik á risamóti.

Spánverjinn mætir Daniil Medvedev frá Rússlandi í úrslitaleiknum. Medvedev vann Búlgarann Grigor Dimitrov í undanúrslitunum. Þetta er í fyrsta sinn sem Medvedev kemst í úrslit á risamóti.

Nadal hefur unnið 18 risatitla á ferlinum og sigri hann Medvedev í úrslitaleik Opna bandaríska vantar vann aðeins einn risatitil til að jafna met Rogers Federer.

Nadal hefur þrisvar sinnum hrósað sigri á Opna bandaríska; 2010, 2013 og 2017.