„Lausnin felst í að breyta ferðavenjum, númer eitt, tvö og þrjú“ Sunna Kristín Hilmarsdóttir skrifar 29. ágúst 2019 21:18 Sigurborg Ósk Haraldsdóttir er borgarfulltrúi Pírata og formaður skipulags- og samgönguráðs Reykjavíkurborgar. fréttablaðið/eyþór Sigurborg Ósk Haraldsdóttir, borgarfulltrúi Pírata og formaður umhverfis- og skipulagsráðs Reykjavíkur, segir það ömurlegt og óásættanlegt að fólk sitji fast í umferð á höfuðborgarsvæðinu. Lausnin, númer eitt, tvö og þrjú, er að hennar sögn að breyta ferðavenjum. Hluti af því sé breytt leiðakerfi Strætó og Borgarlína, styttri vegalengdir og þéttari byggð auk þess sem tilraunaverkefni Reykjavíkurborgar með rafmagnshjól hefur reynst vel. Sigurborg ræddi samgöngumál á höfuðborgarsvæðinu í Reykjavík síðdegis í dag. Var hún spurð út í það hvort ekki væri til skoðunar hjá borginni að taka upp tæknivæddari umferðarljós til þess að stýra umferðinni betur. „Að sjálfsögðu erum við að skoða það. Það er í gangi núna samvinnuverkefni allra sveitarfélaganna á höfuðborgarsvæðinu að snjallvæða umferðarljósin á höfuðborgarsvæðinu. Þetta er í vinnslu og ég reikna með að verði hluti af þeim samgöngupakka sem sveitarfélögin eru að semja við ríkið um. Að þá komist þetta í lag því það er alveg mjög góður punktur og það er alveg rétt að það er hægt að stýra flæðinu betur og við höfum ekki verið með bestu umferðarljósin hvað þetta varðar,“ sagði Sigurborg.Nýtt leiðakerfi Strætó kynnt í september Hún sagðist skilja það vel að fólk væri að kalla eftir lausnum núna strax þar sem það væri mjög pirrandi að vera fastur í umferð. Hún kvaðst sammála því að það þyrfti að gera hlutina hraðar þegar kæmi að samgöngubótum. Sigurborg sagði tvær mjög stórar aðgerðir í bígerð sem verða kynntar von bráðar, annars vegar fyrrnefndan samgöngupakka og hins vegar glænýtt leiðakerfi Strætó sem verður kynnt í september. „Þetta helst í hendur og mun vonandi hafa mikil áhrif á umferðina hjá okkur. Því það er alveg skýrt orsakasamhengi á milli þess að ef við viljum komast hraðar yfir þá verðum við að breyta ferðamátanum.“ Sigurborg var þá spurð hver ætti að taka það að sér að taka strætó þar sem fólkið í bílunum væri að velja sér þann ferðamáta. „Já, það er bara vegna þess að strætó er ekki raunhæfur kostur fyrir þau, það getur verið að það sé ástæðan.“Sveitarfélögin þurfa að sammælast um að hafa frítt í strætó fyrir framhaldsskólanema Fyrr í þættinum hafði verði rætt við Kristin Þorsteinsson, skólameistara Fjölbrautaskólans í Garðabæ og formann Skólameistarafélagsins, um hugmyndir þess efnis að láta framhaldsskólana byrja síðar til að létta á umferðinni. Sagði hann að það gæti orðið erfitt í útfærslu en lagði til að framhaldsskólanemar myndu frekar fá frítt í strætó. Sigurborg tók undir að það ætti að gera allt sem hægt væri til þess að fá skólakrakkana í strætó. „Það var reynt á sínum tíma að hafa frítt í strætó fyrir þennan hóp og það skilaði litlum árangri á sínum tíma. Þannig að það var hætt við það tilraunaverkefni en það er alveg kominn tími á að endurskoða það og í rauninni bara hvað er besta leiðin, hvernig getum við stutt við þetta?“ Til þess að hægt yrði að hafa frítt í strætó strax þyrftu hins vegar sveitarfélögin á höfuðborgarsvæðinu að vera sammála um þá leið enda kostaði það peninga að hafa frítt í strætó. Sveitarfélögin þyrftu að vera sammála um hvernig fjármununum væri best varið. Sigurborg var að lokum spurð hver lausnin væri, hvort hún væri að bíða eftir nýju leiðakerfi Strætó og Borgarlínu: „Lausnin felst í að breyta ferðavenjum, númer eitt, tvö og þrjú. Hluti af því er leiðakerfi Strætó og Borgarlína, hluti af því er að stytta vegalengdir, þétta byggðina, og að sjálfsögðu það sem hefur komið hvað sterkast út í rannsóknum það eru rafmagnshjólin. Reykjavíkurborg er búin að vera með tilraunaverkefni á rafmagnshjólum og það sem kemur í ljós er að þeir sem hafa fengið rafmagnshjól til afnota þeir nota það að meðaltali þrisvar til fjórum sinnum í viku til að fara í vinnuna og yfir 80 prósent voru að nota rafmagnshjólin í staðinn fyrir einkabílinn þannig að þarna er rosalegt sóknarfæri.“ Viðtalið við Sigurborgu má heyra í spilaranum hér fyrir ofan og viðtalið við Kristin í spilaranum hér fyrir neðan. Borgarlína Garðabær Reykjavík Reykjavík síðdegis Samgöngur Strætó Mest lesið Gera loftárásir á háhýsi og vara við yfirvofandi innrás Erlent Gefa grænt ljós á handtökur á grundvelli kynþáttar og málnotkunar Erlent Opinbera bréf Trumps til Epsteins Erlent Kínversk ferðaskrifstofa fær ekki áheyrn hjá Hæstarétti Innlent Ruddust inn til manns og mölbrutu í honum tennurnar Innlent Boða 157 mál á 157. löggjafaþingi og hér er það helsta Innlent Verið ættleiddur af Íslendingum Innlent Ekki útgangspunktur að beita ákvæðinu Innlent Svona var kynning ríkisstjórnar á þingmálum vetrarins Innlent Reyksprengju kastað inn á pall í Hafnarfirði Innlent Fleiri fréttir Bein útsending: Guðsþjónusta og setning Alþingis „Við munum reyna að bæta öll mál“ „Er þetta allt sem Ísland getur gert?“ Bókun 35 verði keyrð í gegnum þingið Ríkisstjórnin sýnir á spilin og Alþingi sett í dag Ekki útgangspunktur að beita ákvæðinu Mikill meirihluti hlynntur Hvammsvirkjun Ruddust inn til manns og mölbrutu í honum tennurnar Boða 157 mál á 157. löggjafaþingi og hér er það helsta Kínversk ferðaskrifstofa fær ekki áheyrn hjá Hæstarétti Gagnrýnir hæstu ríkisútgjöld sögunnar í fjárlagafrumvarpi Svona var kynning ríkisstjórnar á þingmálum vetrarins Reyksprengju kastað inn á pall í Hafnarfirði Verið ættleiddur af Íslendingum Fyrsti dagur Kvikmyndaskólans: „Það besta sem hefur gerst fyrir skólann síðan í apríl“ Hækka hámarksgreiðslur um hundrað þúsund krónur Uppfæra ekki fríverslunarsamning og banna tvo ráðherra Tveir fluttir til aðhlynningar eftir árekstur á Suðurlandsvegi Tekist á um fjárlög, lykkjumálið og aleigan í rafmynt Einn bílstjóri án leyfis og skráningar „Sultaról rithöfunda enn hert“ í fjárlögum Óásættanlegt að almennir starfsmenn séu beittir óeðlilegum þrýstingi Vill hækka skráningargjöldin í 100 þúsund krónur Skjálfti upp á 3,3 í Vatnafjöllum Afnemur æviskipanir varasaksóknara eftir mál Helga Magnúsar Gul úrkomuviðvörun á Austfjörðum og á Suðausturlandi Gestur Guðmundsson er látinn Breski sundkappinn kominn í land og lofsyngur Íslendinga Háskólinn hafi ekki breytt stefnu sinni um inntöku alþjóðlegra nema Hallar á karla í fjárlagafrumvarpi Sjá meira
Sigurborg Ósk Haraldsdóttir, borgarfulltrúi Pírata og formaður umhverfis- og skipulagsráðs Reykjavíkur, segir það ömurlegt og óásættanlegt að fólk sitji fast í umferð á höfuðborgarsvæðinu. Lausnin, númer eitt, tvö og þrjú, er að hennar sögn að breyta ferðavenjum. Hluti af því sé breytt leiðakerfi Strætó og Borgarlína, styttri vegalengdir og þéttari byggð auk þess sem tilraunaverkefni Reykjavíkurborgar með rafmagnshjól hefur reynst vel. Sigurborg ræddi samgöngumál á höfuðborgarsvæðinu í Reykjavík síðdegis í dag. Var hún spurð út í það hvort ekki væri til skoðunar hjá borginni að taka upp tæknivæddari umferðarljós til þess að stýra umferðinni betur. „Að sjálfsögðu erum við að skoða það. Það er í gangi núna samvinnuverkefni allra sveitarfélaganna á höfuðborgarsvæðinu að snjallvæða umferðarljósin á höfuðborgarsvæðinu. Þetta er í vinnslu og ég reikna með að verði hluti af þeim samgöngupakka sem sveitarfélögin eru að semja við ríkið um. Að þá komist þetta í lag því það er alveg mjög góður punktur og það er alveg rétt að það er hægt að stýra flæðinu betur og við höfum ekki verið með bestu umferðarljósin hvað þetta varðar,“ sagði Sigurborg.Nýtt leiðakerfi Strætó kynnt í september Hún sagðist skilja það vel að fólk væri að kalla eftir lausnum núna strax þar sem það væri mjög pirrandi að vera fastur í umferð. Hún kvaðst sammála því að það þyrfti að gera hlutina hraðar þegar kæmi að samgöngubótum. Sigurborg sagði tvær mjög stórar aðgerðir í bígerð sem verða kynntar von bráðar, annars vegar fyrrnefndan samgöngupakka og hins vegar glænýtt leiðakerfi Strætó sem verður kynnt í september. „Þetta helst í hendur og mun vonandi hafa mikil áhrif á umferðina hjá okkur. Því það er alveg skýrt orsakasamhengi á milli þess að ef við viljum komast hraðar yfir þá verðum við að breyta ferðamátanum.“ Sigurborg var þá spurð hver ætti að taka það að sér að taka strætó þar sem fólkið í bílunum væri að velja sér þann ferðamáta. „Já, það er bara vegna þess að strætó er ekki raunhæfur kostur fyrir þau, það getur verið að það sé ástæðan.“Sveitarfélögin þurfa að sammælast um að hafa frítt í strætó fyrir framhaldsskólanema Fyrr í þættinum hafði verði rætt við Kristin Þorsteinsson, skólameistara Fjölbrautaskólans í Garðabæ og formann Skólameistarafélagsins, um hugmyndir þess efnis að láta framhaldsskólana byrja síðar til að létta á umferðinni. Sagði hann að það gæti orðið erfitt í útfærslu en lagði til að framhaldsskólanemar myndu frekar fá frítt í strætó. Sigurborg tók undir að það ætti að gera allt sem hægt væri til þess að fá skólakrakkana í strætó. „Það var reynt á sínum tíma að hafa frítt í strætó fyrir þennan hóp og það skilaði litlum árangri á sínum tíma. Þannig að það var hætt við það tilraunaverkefni en það er alveg kominn tími á að endurskoða það og í rauninni bara hvað er besta leiðin, hvernig getum við stutt við þetta?“ Til þess að hægt yrði að hafa frítt í strætó strax þyrftu hins vegar sveitarfélögin á höfuðborgarsvæðinu að vera sammála um þá leið enda kostaði það peninga að hafa frítt í strætó. Sveitarfélögin þyrftu að vera sammála um hvernig fjármununum væri best varið. Sigurborg var að lokum spurð hver lausnin væri, hvort hún væri að bíða eftir nýju leiðakerfi Strætó og Borgarlínu: „Lausnin felst í að breyta ferðavenjum, númer eitt, tvö og þrjú. Hluti af því er leiðakerfi Strætó og Borgarlína, hluti af því er að stytta vegalengdir, þétta byggðina, og að sjálfsögðu það sem hefur komið hvað sterkast út í rannsóknum það eru rafmagnshjólin. Reykjavíkurborg er búin að vera með tilraunaverkefni á rafmagnshjólum og það sem kemur í ljós er að þeir sem hafa fengið rafmagnshjól til afnota þeir nota það að meðaltali þrisvar til fjórum sinnum í viku til að fara í vinnuna og yfir 80 prósent voru að nota rafmagnshjólin í staðinn fyrir einkabílinn þannig að þarna er rosalegt sóknarfæri.“ Viðtalið við Sigurborgu má heyra í spilaranum hér fyrir ofan og viðtalið við Kristin í spilaranum hér fyrir neðan.
Borgarlína Garðabær Reykjavík Reykjavík síðdegis Samgöngur Strætó Mest lesið Gera loftárásir á háhýsi og vara við yfirvofandi innrás Erlent Gefa grænt ljós á handtökur á grundvelli kynþáttar og málnotkunar Erlent Opinbera bréf Trumps til Epsteins Erlent Kínversk ferðaskrifstofa fær ekki áheyrn hjá Hæstarétti Innlent Ruddust inn til manns og mölbrutu í honum tennurnar Innlent Boða 157 mál á 157. löggjafaþingi og hér er það helsta Innlent Verið ættleiddur af Íslendingum Innlent Ekki útgangspunktur að beita ákvæðinu Innlent Svona var kynning ríkisstjórnar á þingmálum vetrarins Innlent Reyksprengju kastað inn á pall í Hafnarfirði Innlent Fleiri fréttir Bein útsending: Guðsþjónusta og setning Alþingis „Við munum reyna að bæta öll mál“ „Er þetta allt sem Ísland getur gert?“ Bókun 35 verði keyrð í gegnum þingið Ríkisstjórnin sýnir á spilin og Alþingi sett í dag Ekki útgangspunktur að beita ákvæðinu Mikill meirihluti hlynntur Hvammsvirkjun Ruddust inn til manns og mölbrutu í honum tennurnar Boða 157 mál á 157. löggjafaþingi og hér er það helsta Kínversk ferðaskrifstofa fær ekki áheyrn hjá Hæstarétti Gagnrýnir hæstu ríkisútgjöld sögunnar í fjárlagafrumvarpi Svona var kynning ríkisstjórnar á þingmálum vetrarins Reyksprengju kastað inn á pall í Hafnarfirði Verið ættleiddur af Íslendingum Fyrsti dagur Kvikmyndaskólans: „Það besta sem hefur gerst fyrir skólann síðan í apríl“ Hækka hámarksgreiðslur um hundrað þúsund krónur Uppfæra ekki fríverslunarsamning og banna tvo ráðherra Tveir fluttir til aðhlynningar eftir árekstur á Suðurlandsvegi Tekist á um fjárlög, lykkjumálið og aleigan í rafmynt Einn bílstjóri án leyfis og skráningar „Sultaról rithöfunda enn hert“ í fjárlögum Óásættanlegt að almennir starfsmenn séu beittir óeðlilegum þrýstingi Vill hækka skráningargjöldin í 100 þúsund krónur Skjálfti upp á 3,3 í Vatnafjöllum Afnemur æviskipanir varasaksóknara eftir mál Helga Magnúsar Gul úrkomuviðvörun á Austfjörðum og á Suðausturlandi Gestur Guðmundsson er látinn Breski sundkappinn kominn í land og lofsyngur Íslendinga Háskólinn hafi ekki breytt stefnu sinni um inntöku alþjóðlegra nema Hallar á karla í fjárlagafrumvarpi Sjá meira