Unga fólkið ferðast mest um helgina Birna Dröfn Jónasdóttir skrifar 31. júlí 2019 08:30 Flestir þeirra sem stefna á útihátíð um helgina ætla á Þjóðhátíð í Eyjum. Hátíðin er fastur liður í verslunarmannahelginni og var fyrst haldin fyrir 142 árum. Fréttablaðið/Vilhelm 42,8 prósent landsmanna hyggjast ferðast innanlands um verslunarmannahelgina samkvæmt niðurstöðum nýrrar könnunar sem Zenter rannsóknir gerðu fyrir Fréttablaðið og frettabladid.is. Mestur ferðahugur er í unga fólkinu en 65 prósent fólks á aldrinum 18-24 ára hyggjast leggja land undir fót um helgina, en einungis 35 prósent þeirra sem eru á aldrinum 55-64 ára. Flestir þeirra sem ætla á skipulagðar útihátíðir taka stefnuna á Þjóðhátíð í Vestmannaeyjum, eða 5,1 prósent, en flestir þeirra sem hyggjast ferðast innanlands, eða 25,4 prósent, stefna ekki á þær skipulögðu hátíðir sem í boði eru. Könnunin var framkvæmd 24.-29. júlí síðastliðinn og var send á tvö þúsund einstaklinga í könnunarhóp Zenter rannsókna. Svarhlutfallið var 51 prósent en gögnin voru vigtuð eftir kyni, aldri og búsetu.Nábrókin 2019 fer fram í Norðurfirði í Árneshreppi þar sem meðal annars verður boðið upp á tónleika, mýrarbolta og zumba-dans.Verslunarmannahelgin er stærsta ferðahelgi ársins og í öllum landshlutum má finna hátíðir, uppákomur, tónlist og íþróttaviðburði. Þjóðhátíð í Vestmannaeyjum fer fram í Herjólfsdal þar sem fjöldi tónlistaratriða mun fylla sviðið og í Neskaupstað fer fram fjölskylduhátíðin Neistaflug þar sem meðal annars verður haldið golfmót, tónleikar og brunaslöngubolti. Ættarmót pönkara fer fram á Laugarbakka þar sem hátíðin Norðanpaunk fer fram. Á hátíðinni kemur fram fjöldi hljómsveita sem spila jaðartónlist af ýmsu tagi. Á Akureyri verður fjölbreytt dagskrá fyrir alla fjölskylduna á hátíðinni Ein með öllu og Íslensku sumarleikunum. Þar koma fram margir af vinsælustu listamönnum þjóðarinnar. Evrópumeistaramótið í mýrarbolta fer fram í Bolungarvík þar sem keppt er í fótbolta í drullusvaði á daginn og haldnir eru dansleikir á kvöldin og á Höfn í Hornafirði fer fram Unglingalandsmót UMFÍ. Þar geta krakkar á aldrinum 11-18 ára reynt fyrir sér í hinum ýmsu íþróttagreinum. Hátíðin er vímulaus. Í Vatnaskógi fara fram Sæludagar sem einnig eru vímulaus hátíð þar sem meðal annars koma fram Páll Óskar og Lalli töframaður og í Múlakoti verður haldin hin árlega fjölskylduhátíð þar sem verður flugkeppni, brenna og kvöldvaka.Sæludagur í sveitinni fara fram um helgina í Hörgársveit þar sem meðal annars verður opið hús á Hótel Hjalteyri og haldin verður sandkastalakeppni.Í Hraunborgum í Grímsnesi verður hátíðardagskrá alla helgina þar sem stuðinu verður haldið uppi í sundlaugarpartíi og með brekkusöng svo eitthvað sé nefnt. Tuttugu og fimm ára aldurstakmark er inn á tjaldsvæðið og er fólk hvatt til að mæta tímanlega til að tryggja sér stæði. Bæjarhátíðin Flúðir um versló verður haldin í fimmta sinn um helgina þar sem dagskrá sniðin að allri fjölskyldunni verður frá morgni til kvölds. Á dagskránni eru meðal annars tónleikar með Pálma Gunnarssyni þar sem hann fer yfir feril sinn. Nóg er að gera í höfuðborginni um verslunarmannahelgina en hátíðin Innipúkinn fer fram úti á Granda frá föstudegi til sunnudags. Á hátíðinni kemur fram fjöldi þekktra tónlistarmanna og fara flest atriði hátíðarinnar fram innandyra, en einnig verður hátíðarstemning á götunum í kringum hátíðarsvæðið. Haraldur Eiríksson veðurfræðingur segir að útlit sé fyrir ágætis veður á öllu landinu um helgina. „Eins og þetta lítur út núna þá virðist verða þokkalegt veður á öllu landinu, þó ekki sé hægt að vera mjög nákvæmur í spám á þessum tímapunkti,“ segir Haraldur. „Á föstudag og laugardag er spáð nokkuð hægum vindi og hita víða 14-20 stigum. Svo á sunnudag og mánudag verða litlar breytingar en aðeins meira skýjafar þar sem verður skýjað með köflum og kannski stöku síðdegisskúrir,“ bætir hann við. Birtist í Fréttablaðinu Ferðalög Þjóðhátíð í Eyjum Mest lesið „Hér er ekki ódýr orka í neinum alþjóðlegum samanburði“ Innlent Læknir nýtti sér sjúkraskrár til að afla viðskiptavina Innlent „Kennarar eiga ekki að vera í einhverjum lögguhlutverki“ Innlent Setti byssukúlu í póstkassa: „Næsta kemur ekki í umslagi“ Innlent Bandaríska utanríkisráðuneytið tjáir sig ekki um undirróðursherferð Erlent Gunnfaxi ekki á safnið nema annar þristur fáist á sandinn Innlent Stefnir Hödd vegna ásökunar um nauðgun Innlent Lögreglan vill ná tali af þremur mönnum Innlent Kjördæmapot og pólitískar sveiflur megi ekki ráða för Innlent Stytta þurfi sumarfrí barna um að lágmarki tvær vikur Innlent Fleiri fréttir „Hér er ekki ódýr orka í neinum alþjóðlegum samanburði“ „Kennarar eiga ekki að vera í einhverjum lögguhlutverki“ Læknir nýtti sér sjúkraskrár til að afla viðskiptavina Kjördæmapot og pólitískar sveiflur megi ekki ráða för Gunnfaxi ekki á safnið nema annar þristur fáist á sandinn Vona að áreiðanleiki verði meiri með fjölgun vagna og aukinni tíðni Rússum „drullusama“ um friðarumleitanir Ísland fýsilegur kostur fyrir rafmyntaþvott í augum glæpamanna Sprengjuregn, svikin loforð, og vel heppnuð hárígræðsla Greip í húna en var gripinn mígandi Ísjaki stærri en Hallgrímskirkja blasti við Eldur kviknaði út frá glerkúlu í gluggakistu Setti byssukúlu í póstkassa: „Næsta kemur ekki í umslagi“ Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Sjá meira
42,8 prósent landsmanna hyggjast ferðast innanlands um verslunarmannahelgina samkvæmt niðurstöðum nýrrar könnunar sem Zenter rannsóknir gerðu fyrir Fréttablaðið og frettabladid.is. Mestur ferðahugur er í unga fólkinu en 65 prósent fólks á aldrinum 18-24 ára hyggjast leggja land undir fót um helgina, en einungis 35 prósent þeirra sem eru á aldrinum 55-64 ára. Flestir þeirra sem ætla á skipulagðar útihátíðir taka stefnuna á Þjóðhátíð í Vestmannaeyjum, eða 5,1 prósent, en flestir þeirra sem hyggjast ferðast innanlands, eða 25,4 prósent, stefna ekki á þær skipulögðu hátíðir sem í boði eru. Könnunin var framkvæmd 24.-29. júlí síðastliðinn og var send á tvö þúsund einstaklinga í könnunarhóp Zenter rannsókna. Svarhlutfallið var 51 prósent en gögnin voru vigtuð eftir kyni, aldri og búsetu.Nábrókin 2019 fer fram í Norðurfirði í Árneshreppi þar sem meðal annars verður boðið upp á tónleika, mýrarbolta og zumba-dans.Verslunarmannahelgin er stærsta ferðahelgi ársins og í öllum landshlutum má finna hátíðir, uppákomur, tónlist og íþróttaviðburði. Þjóðhátíð í Vestmannaeyjum fer fram í Herjólfsdal þar sem fjöldi tónlistaratriða mun fylla sviðið og í Neskaupstað fer fram fjölskylduhátíðin Neistaflug þar sem meðal annars verður haldið golfmót, tónleikar og brunaslöngubolti. Ættarmót pönkara fer fram á Laugarbakka þar sem hátíðin Norðanpaunk fer fram. Á hátíðinni kemur fram fjöldi hljómsveita sem spila jaðartónlist af ýmsu tagi. Á Akureyri verður fjölbreytt dagskrá fyrir alla fjölskylduna á hátíðinni Ein með öllu og Íslensku sumarleikunum. Þar koma fram margir af vinsælustu listamönnum þjóðarinnar. Evrópumeistaramótið í mýrarbolta fer fram í Bolungarvík þar sem keppt er í fótbolta í drullusvaði á daginn og haldnir eru dansleikir á kvöldin og á Höfn í Hornafirði fer fram Unglingalandsmót UMFÍ. Þar geta krakkar á aldrinum 11-18 ára reynt fyrir sér í hinum ýmsu íþróttagreinum. Hátíðin er vímulaus. Í Vatnaskógi fara fram Sæludagar sem einnig eru vímulaus hátíð þar sem meðal annars koma fram Páll Óskar og Lalli töframaður og í Múlakoti verður haldin hin árlega fjölskylduhátíð þar sem verður flugkeppni, brenna og kvöldvaka.Sæludagur í sveitinni fara fram um helgina í Hörgársveit þar sem meðal annars verður opið hús á Hótel Hjalteyri og haldin verður sandkastalakeppni.Í Hraunborgum í Grímsnesi verður hátíðardagskrá alla helgina þar sem stuðinu verður haldið uppi í sundlaugarpartíi og með brekkusöng svo eitthvað sé nefnt. Tuttugu og fimm ára aldurstakmark er inn á tjaldsvæðið og er fólk hvatt til að mæta tímanlega til að tryggja sér stæði. Bæjarhátíðin Flúðir um versló verður haldin í fimmta sinn um helgina þar sem dagskrá sniðin að allri fjölskyldunni verður frá morgni til kvölds. Á dagskránni eru meðal annars tónleikar með Pálma Gunnarssyni þar sem hann fer yfir feril sinn. Nóg er að gera í höfuðborginni um verslunarmannahelgina en hátíðin Innipúkinn fer fram úti á Granda frá föstudegi til sunnudags. Á hátíðinni kemur fram fjöldi þekktra tónlistarmanna og fara flest atriði hátíðarinnar fram innandyra, en einnig verður hátíðarstemning á götunum í kringum hátíðarsvæðið. Haraldur Eiríksson veðurfræðingur segir að útlit sé fyrir ágætis veður á öllu landinu um helgina. „Eins og þetta lítur út núna þá virðist verða þokkalegt veður á öllu landinu, þó ekki sé hægt að vera mjög nákvæmur í spám á þessum tímapunkti,“ segir Haraldur. „Á föstudag og laugardag er spáð nokkuð hægum vindi og hita víða 14-20 stigum. Svo á sunnudag og mánudag verða litlar breytingar en aðeins meira skýjafar þar sem verður skýjað með köflum og kannski stöku síðdegisskúrir,“ bætir hann við.
Birtist í Fréttablaðinu Ferðalög Þjóðhátíð í Eyjum Mest lesið „Hér er ekki ódýr orka í neinum alþjóðlegum samanburði“ Innlent Læknir nýtti sér sjúkraskrár til að afla viðskiptavina Innlent „Kennarar eiga ekki að vera í einhverjum lögguhlutverki“ Innlent Setti byssukúlu í póstkassa: „Næsta kemur ekki í umslagi“ Innlent Bandaríska utanríkisráðuneytið tjáir sig ekki um undirróðursherferð Erlent Gunnfaxi ekki á safnið nema annar þristur fáist á sandinn Innlent Stefnir Hödd vegna ásökunar um nauðgun Innlent Lögreglan vill ná tali af þremur mönnum Innlent Kjördæmapot og pólitískar sveiflur megi ekki ráða för Innlent Stytta þurfi sumarfrí barna um að lágmarki tvær vikur Innlent Fleiri fréttir „Hér er ekki ódýr orka í neinum alþjóðlegum samanburði“ „Kennarar eiga ekki að vera í einhverjum lögguhlutverki“ Læknir nýtti sér sjúkraskrár til að afla viðskiptavina Kjördæmapot og pólitískar sveiflur megi ekki ráða för Gunnfaxi ekki á safnið nema annar þristur fáist á sandinn Vona að áreiðanleiki verði meiri með fjölgun vagna og aukinni tíðni Rússum „drullusama“ um friðarumleitanir Ísland fýsilegur kostur fyrir rafmyntaþvott í augum glæpamanna Sprengjuregn, svikin loforð, og vel heppnuð hárígræðsla Greip í húna en var gripinn mígandi Ísjaki stærri en Hallgrímskirkja blasti við Eldur kviknaði út frá glerkúlu í gluggakistu Setti byssukúlu í póstkassa: „Næsta kemur ekki í umslagi“ Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Sjá meira