Erfitt að vita ekki hvað er að Kristinn Páll Teitsson skrifar 14. júní 2019 11:30 Fanney var heiðruð af Kraftlyftingasambandi Íslands og Íþróttasambandi Íslands eftir að hafa varið Evrópumeistaratitilinn. Fréttablaðið/Vilhelm Kraftlyftingar Fanney Hauksdóttir kraftlyftingakona hefur lítið náð að beita sér undanfarið ár vegna erfiðra meiðsla í öxl. Seltirningurinn Fanney var komin í fremstu röð í heiminum og varð Evrópumeistari í klassískri bekkpressu fjórða árið í röð haustið 2017. Þá varð hún heimsmeistari í bekkpressu án búnaðar árið 2016. Frá því að Fanney varð Evrópumeistari á haustdögum 2017 hefur hún aðeins náð að taka þátt í tveimur opinberum mótum. Fanney nældi í gullverðlaunin á Íslandsmótinu í klassískri bekkpressu í fyrra og fékk svo silfurverðlaunin í sínum flokki í klassískri bekkpressu á Evrópumótinu sem fór fram í Frakklandi í fyrra. Í samtali við Fréttablaðið segir Fanney það erfitt að lýsa þessum meiðslum enda hefur ekki tekist að finna nákvæmlega út úr því hvað er að plaga hana. „Það er erfitt að segja hvað er nákvæmlega að öxlinni. Ég hafði lengi fundið fyrir smá eymslum í öxlinni en í apríl í fyrra kom eitthvað upp á og ég gat ekki lyft af sama krafti. Það kom tími þar sem ég gat varla lyft stönginni og þá fór ég að hitta sjúkraþjálfara og lækna,“ segir Fanney um það þegar meiðslin tóku sig upp stuttu eftir Íslandsmótið 2018. Hún fékk sprautu til að reyna að stilla af verkina. „Ég fékk þá sprautu sem gerði mér kleift að keppa í ágúst en eins og læknarnir segja, sprauta er engin lausn til lengri tíma. Í mínu tilfelli gerði hún ekki mikið þótt mér hafi tekist að fara á mótið í ágúst. Ég æfði mjög skynsamlega í aðdraganda mótsins og komst þokkalega frá því. Þá hélt ég að þetta væri komið og ég ákvað að auka álagið til að komast á EM í október,“ segir Fanney sem tók undir að keppnisskapið hefði ef til vill náð yfirhöndinni. „Á EM var notast við búnað sem þýðir meiri þyngdir og eftir það varð ég í raun mun verri. Ég hef ekkert náð mér almennilega eftir það.“ Fanney hefur hitt marga sérfræðinga en ekki fengið lausn við vandamálum sínum. „Þetta er enn þá að plaga mig í dag og það erfiðasta við þetta allt saman er að það er ekki alveg ljóst hvað þetta er. Fyrir vikið er ekki hægt að skipuleggja endurhæfingu með það að markmiði að finna lausnir. Fyrir vikið er þetta búið að vera mikið púsluspil með sjúkraþjálfurum að prófa okkur áfram,“ segir Fanney og hélt áfram: „Það hefur verið erfitt fyrir hausinn, andlegu hliðina, að vera ekki að vinna að einhverri ákveðinni endastöð. Það er búið að mynda þetta og skoða hátt og lágt en ekki fundist lausn. Ég æfi enn þá, æfi mikið aukalega til að styrkja mig en ég er ekki að ná að æfa almennilega í bekkpressu. Meiðsli eru hluti af því að vera íþróttamaður, þetta hefur tekið lengri tíma en ég hélt en ég er harðákveðin í að snúa aftur,“ segir Fanney. „Kannski eru þetta afleiðingar af öllu því álagi sem það fylgdi að keppa í kraftlyftingum. Fólk getur verið heillengi í kraftlyftingum, kannski er ég búin að toppa og kannski kem ég aftur öflugri en nokkru sinni fyrr. Núna einblíni ég bara á að komast aftur á keppnisgólfið og geri allt það sem ég get til þess á sama tíma og ég tek einn dag í einu og byggi mig upp, skref fyrir skref. Það eina sem ég get gert í þessu er að halda haus og halda áfram.“ Aflraunir Birtist í Fréttablaðinu Kraftlyftingar Mest lesið Markvörður Real í fýlu og mætir ekki til Íslands Fótbolti Uppgjörið: Breiðablik - Spartak Subotica 4-0 | Langt komnar í nýju Evrópukeppnina Fótbolti Cristiano Ronaldo: Fjölskyldan biður mig um að hætta Fótbolti Varar við því að Norðmönnum gæti verið dæmdur leikurinn tapaður Fótbolti Erika Nótt segir að nú sé tími til að hlusta á konurnar Sport Sammála Eiði pabba sínum um heimskupör Fótbolti Gætu spilað á Wembley ef Emirates fær Real Madrid uppfærslu Enski boltinn Segir leikmenn í gullkynslóð Englands hafa verið „sjálfhverfir lúserar“ Enski boltinn Varaforseti EHF handtekinn Handbolti „Fjárhagsstaðan býður ekki upp á það að við leikum okkur með þann miðafjölda“ Handbolti Fleiri fréttir Ísak lofar að hlaupa mest: „Mjög gaman að sjá fólkið bakka okkur upp“ Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Uppgjörið: KR - Haukar 70-92 | Haukar sigu fram úr í seinni hálfleik og unnu sannfærandi sigur Vonsvikinn Nik: Þriðja og fjórða markið gætu skipt sköpum ÍBV og Valur ein á toppnum eftir háspennu í Breiðholti Donni öflugur og skildi heimamenn eftir í sárum Íslenska tríóið fagnaði frábærum sigri í toppslag Amanda fagnaði stigi gegn ensku meisturunum Íslendingarnir frábærir og fögnuðu í Danmörku Í beinni: Tindastóll - Stjarnan | Stólar og Stjörnukonur takast á Cecilía og Karólína komnar inn um dyrnar Salah sendi Egypta á HM Allt upp á tíu hjá Elínu Klöru Uppgjörið: Breiðablik - Spartak Subotica 4-0 | Langt komnar í nýju Evrópukeppnina Björgvin Brimi í Víking Segir að stuðningsmenn Bandaríkjanna hafi farið yfir strikið Sektaður um tólf milljónir fyrir að lesa yfir eigin leikmanni Sagði 28 ára skilið við fótboltann og sér ekki eftir neinu Matti Villa efstur í Víkingsdeildinni í Fantasy en þjálfarinn á botninum Varaforseti EHF handtekinn „Særði fólk mikið með því að fara til Sádi-Arabíu“ Vonast til að landsliðstreyjurnar fari í sölu á næstu vikum Cristiano Ronaldo: Fjölskyldan biður mig um að hætta „Fjárhagsstaðan býður ekki upp á það að við leikum okkur með þann miðafjölda“ Kane vill spila í Grindavík: „Flestir okkar hafa engar áhyggjur af þessu“ Gætu spilað á Wembley ef Emirates fær Real Madrid uppfærslu Spilaði nærbuxnalaus og fékk UFC-spólur bak við borðið Telja að leikmenn United styðji Ruben Amorim Erika Nótt segir að nú sé tími til að hlusta á konurnar Sjá meira
Kraftlyftingar Fanney Hauksdóttir kraftlyftingakona hefur lítið náð að beita sér undanfarið ár vegna erfiðra meiðsla í öxl. Seltirningurinn Fanney var komin í fremstu röð í heiminum og varð Evrópumeistari í klassískri bekkpressu fjórða árið í röð haustið 2017. Þá varð hún heimsmeistari í bekkpressu án búnaðar árið 2016. Frá því að Fanney varð Evrópumeistari á haustdögum 2017 hefur hún aðeins náð að taka þátt í tveimur opinberum mótum. Fanney nældi í gullverðlaunin á Íslandsmótinu í klassískri bekkpressu í fyrra og fékk svo silfurverðlaunin í sínum flokki í klassískri bekkpressu á Evrópumótinu sem fór fram í Frakklandi í fyrra. Í samtali við Fréttablaðið segir Fanney það erfitt að lýsa þessum meiðslum enda hefur ekki tekist að finna nákvæmlega út úr því hvað er að plaga hana. „Það er erfitt að segja hvað er nákvæmlega að öxlinni. Ég hafði lengi fundið fyrir smá eymslum í öxlinni en í apríl í fyrra kom eitthvað upp á og ég gat ekki lyft af sama krafti. Það kom tími þar sem ég gat varla lyft stönginni og þá fór ég að hitta sjúkraþjálfara og lækna,“ segir Fanney um það þegar meiðslin tóku sig upp stuttu eftir Íslandsmótið 2018. Hún fékk sprautu til að reyna að stilla af verkina. „Ég fékk þá sprautu sem gerði mér kleift að keppa í ágúst en eins og læknarnir segja, sprauta er engin lausn til lengri tíma. Í mínu tilfelli gerði hún ekki mikið þótt mér hafi tekist að fara á mótið í ágúst. Ég æfði mjög skynsamlega í aðdraganda mótsins og komst þokkalega frá því. Þá hélt ég að þetta væri komið og ég ákvað að auka álagið til að komast á EM í október,“ segir Fanney sem tók undir að keppnisskapið hefði ef til vill náð yfirhöndinni. „Á EM var notast við búnað sem þýðir meiri þyngdir og eftir það varð ég í raun mun verri. Ég hef ekkert náð mér almennilega eftir það.“ Fanney hefur hitt marga sérfræðinga en ekki fengið lausn við vandamálum sínum. „Þetta er enn þá að plaga mig í dag og það erfiðasta við þetta allt saman er að það er ekki alveg ljóst hvað þetta er. Fyrir vikið er ekki hægt að skipuleggja endurhæfingu með það að markmiði að finna lausnir. Fyrir vikið er þetta búið að vera mikið púsluspil með sjúkraþjálfurum að prófa okkur áfram,“ segir Fanney og hélt áfram: „Það hefur verið erfitt fyrir hausinn, andlegu hliðina, að vera ekki að vinna að einhverri ákveðinni endastöð. Það er búið að mynda þetta og skoða hátt og lágt en ekki fundist lausn. Ég æfi enn þá, æfi mikið aukalega til að styrkja mig en ég er ekki að ná að æfa almennilega í bekkpressu. Meiðsli eru hluti af því að vera íþróttamaður, þetta hefur tekið lengri tíma en ég hélt en ég er harðákveðin í að snúa aftur,“ segir Fanney. „Kannski eru þetta afleiðingar af öllu því álagi sem það fylgdi að keppa í kraftlyftingum. Fólk getur verið heillengi í kraftlyftingum, kannski er ég búin að toppa og kannski kem ég aftur öflugri en nokkru sinni fyrr. Núna einblíni ég bara á að komast aftur á keppnisgólfið og geri allt það sem ég get til þess á sama tíma og ég tek einn dag í einu og byggi mig upp, skref fyrir skref. Það eina sem ég get gert í þessu er að halda haus og halda áfram.“
Aflraunir Birtist í Fréttablaðinu Kraftlyftingar Mest lesið Markvörður Real í fýlu og mætir ekki til Íslands Fótbolti Uppgjörið: Breiðablik - Spartak Subotica 4-0 | Langt komnar í nýju Evrópukeppnina Fótbolti Cristiano Ronaldo: Fjölskyldan biður mig um að hætta Fótbolti Varar við því að Norðmönnum gæti verið dæmdur leikurinn tapaður Fótbolti Erika Nótt segir að nú sé tími til að hlusta á konurnar Sport Sammála Eiði pabba sínum um heimskupör Fótbolti Gætu spilað á Wembley ef Emirates fær Real Madrid uppfærslu Enski boltinn Segir leikmenn í gullkynslóð Englands hafa verið „sjálfhverfir lúserar“ Enski boltinn Varaforseti EHF handtekinn Handbolti „Fjárhagsstaðan býður ekki upp á það að við leikum okkur með þann miðafjölda“ Handbolti Fleiri fréttir Ísak lofar að hlaupa mest: „Mjög gaman að sjá fólkið bakka okkur upp“ Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Uppgjörið: KR - Haukar 70-92 | Haukar sigu fram úr í seinni hálfleik og unnu sannfærandi sigur Vonsvikinn Nik: Þriðja og fjórða markið gætu skipt sköpum ÍBV og Valur ein á toppnum eftir háspennu í Breiðholti Donni öflugur og skildi heimamenn eftir í sárum Íslenska tríóið fagnaði frábærum sigri í toppslag Amanda fagnaði stigi gegn ensku meisturunum Íslendingarnir frábærir og fögnuðu í Danmörku Í beinni: Tindastóll - Stjarnan | Stólar og Stjörnukonur takast á Cecilía og Karólína komnar inn um dyrnar Salah sendi Egypta á HM Allt upp á tíu hjá Elínu Klöru Uppgjörið: Breiðablik - Spartak Subotica 4-0 | Langt komnar í nýju Evrópukeppnina Björgvin Brimi í Víking Segir að stuðningsmenn Bandaríkjanna hafi farið yfir strikið Sektaður um tólf milljónir fyrir að lesa yfir eigin leikmanni Sagði 28 ára skilið við fótboltann og sér ekki eftir neinu Matti Villa efstur í Víkingsdeildinni í Fantasy en þjálfarinn á botninum Varaforseti EHF handtekinn „Særði fólk mikið með því að fara til Sádi-Arabíu“ Vonast til að landsliðstreyjurnar fari í sölu á næstu vikum Cristiano Ronaldo: Fjölskyldan biður mig um að hætta „Fjárhagsstaðan býður ekki upp á það að við leikum okkur með þann miðafjölda“ Kane vill spila í Grindavík: „Flestir okkar hafa engar áhyggjur af þessu“ Gætu spilað á Wembley ef Emirates fær Real Madrid uppfærslu Spilaði nærbuxnalaus og fékk UFC-spólur bak við borðið Telja að leikmenn United styðji Ruben Amorim Erika Nótt segir að nú sé tími til að hlusta á konurnar Sjá meira