Murray snýr aftur eftir aðgerð sem breytti lífi hans

Tenniskappinn Andy Murray segir að mjaðmaaðgerðin sem hann gekkst undir hafa breytt lífi sínu.

Murray var tilbúinn að leggja tennisspaðann á hilluna fyrir fimm mánuðum síðan vegna þrálátra vandamála í mjöðm en er nú að undirbúa endurkomu sína á Queens mótinu sem hefst í dag.

Skotinn fór í aðgerð í janúar sem breytti lífi hans að eigin sögn.

„Ég vissi ekki hvernig mér myndi líða ef ég færi í aðgerðina, en þetta hefur verið frábært og breytti lífi mínu,“ saðgi fyrrum efsti maður heimslistans við BBC.

„Ég hlakka til að snúa aftur en ég veit ekkert við hverju ég á að búast og set engar kröfur á mig.“

Murray mun taka þátt í tvíliðaleik með Spánverjanum Feliciano Lopez á mótinu sem fer fram í Lundúnum.