Söngkonan hefur sætt mikilli gagnrýni fyrir frammistöðu sína á úrslitakvöldinu en óhætt er að segja að hún hafi ekki verið upp á sitt besta þegar kom að því að halda lagi. Mörgum þótti söngur Madonnu vera nokkuð langt frá þeim gæðastuðli sem margir vita að í söngkonunni býr.
Madonna er ekki að gera sér neina greiða með þessum söng. #ESC2019#Eurovision#12stig
— Svala Jonsdottir (@svalaj) May 18, 2019
Madonna jafn slæm og hárið á Theresu May. #12stig
— Rikki G (@RikkiGje) May 18, 2019
Madonna er pípandi fölsk . Hvar er autotjúnið? #12stig
— Halldor Bragason (@bluesice) May 18, 2019
Eitthvað virðist poppdívan sjálf hafa verið óánægð með flutning sinn en myndbandi af atriði hennar á stóra sviðinu hefur nú verið hlaðið upp á opinbera YouTube-rás hennar. Söngurinn í því myndbandi er þó töluvert frábrugðinn því sem söngkonan bauð upp á í beinni Eurovision-útsendingu á laugardaginn.
Hér að neðan má sjá tvö myndbönd. Það fyrra er myndband af YouTube-rás Madonnu, en það seinna af beinu útsendingunni frá atriðinu. Ljóst er að átt hefur verið við hljóðið í seinna myndbandinu með einhverjum hætti og söngur Madonnu fegraður. Sjón, eða hlustun í þessu tilviki, er sögu ríkari.
Af YouTube-rás Madonnu:
Úr beinni útsendingu frá Eurovision:
