Grínisti sló í gegn í BGT og fékk að launum gullhnappinn

Grínistinn Kojo kom, sá og sigraði í áheyrnarprufu í Britain´s Got Talent á dögunum þegar hann flutti uppistand.

Kojo hefur verið uppistandari í yfir tuttugu ár og kom í ljós þegar hann mætti á sviðið að hann og Alesha Dixon, dómari í BGT, hefðu þekkst í mörg ár.

Amanda Holden, Alesha Dixon, David Walliams og Simon Cowell fylgdust með prufunni og fékk Kojo salinn sannarlega til að hlægja.

Þessi 39 ára grínisti var einfaldlega það góður að Cowell ýtti á gullhnappinn fræga en hér að neðan má sjá atriðið í heild sinni. Britain´s Got Talent er á dagskrá Stöðvar 2 á sunnudagskvöldum.