Greina frá því að Baltasar og Sunneva séu að slá sér upp

Leikstjórinn Baltasar Kormákur og listamaðurinn Sunneva Ása Weisshappel eru að sögn DV að slá sér upp.

Baltasar og Lilja Pálmadóttir eru skilin að borði og sæng eftir tuttugu ára hjónaband. Balti og Sunneva vildu ekki tjá sig um samband sitt í samtali við DV.

Þau aftur á móti neita því ekki að hafa eytt miklum tíma saman að undanförnu. Baltasar Kormákur er án efa þekktasti leikstjóri landsins og hefur unnið að mörgum stórmyndum á sínum ferli.

Myndlistakonan Sunneva Ása hefur sýnt myndlist sína víða, hér heima og erlendis.

Þá hefur Sunneva Ása leikstýrt og unnið við gerð fjölda tónlistarmyndbanda og fengið tilnefningar til verðlauna, bæði hérlendis og erlendis. Frumraun Sunnevu Ásu í búningahönnun fyrir leikhús var Njála og hlaut hún Grímuverðlaun 2015 fyrir búningana í þeirri sýningu.