Festa kaup á mun færri bílaleigubílum Helgi Vífill Júlíusson skrifar 21. mars 2019 06:45 Í kjölfar verkfallsaðgerða drógust pantanir saman um 20-30 prósent hjá bílaleigunni Enterprise. Fréttablaðið/Anton Brink Bílaleigan Enterprise, sem er í eigu Kynnisferða, mun kaupa um 30 prósentum færri nýja bíla í ár en í fyrra. Bílaleiga Akureyrar/Höldur mun kaupa 20-23 prósentum færri nýja bíla í ár og Hertz á Íslandi mun kaupa mun færri nýja bíla. Þetta segja stjórnendur fyrirtækjanna við Fréttablaðið. Steingrímur Birgisson, forstjóri Bílaleigu Akureyrar, segir að stjórnendur fyrirtækisins hafi horft fram á erfiðara rekstrarumhverfi og því ákveðið að fækka bílum í flotanum. Frá og með áramótum hafi bílaleigur orðið að greiða full vörugjöld, launakostnaður sé hár og fari hækkandi og samhliða minna framboði af flugi til landsins var fyrirséð að ferðamönnum myndi fækka. „Það er orðið erfitt að ná endum saman,“ segir hann. Erlendum farþegum sem flugu frá Keflavíkurflugvelli fækkaði um sjö prósent á milli ára í febrúar og um 6,4 prósent ef janúar er tekinn með í reikninginn, samkvæmt tilkynningu ISAVIA. Björn Ragnarsson, forstjóri Kynnisferða, segir að almennt hafi afkoman af rekstri bílaleiga verið afar döpur. „Við höfum markvisst verið að draga úr framboði af bílaleigubílum,“ segir hann. Um sé að ræða viðleitni til að draga úr framboði og hækka verð. Verðin hafi verið ágæt á sumrin en langt undir kostnaðarverði á veturna. Sigfús Bjarni Sigfússon, forstjóri Hertz á Íslandi, hefur verið í ferðamannabransanum í hartnær 30 ár og rekið bílaleigur í 20 ár. „Ég hef ekki upplifað jafn mikla óvissu,“ segir hann og nefnir að óvissa sé uppi um framtíð WOW air, hvort leiðakerfi flugfélaga eins og Icelandair og Norwegian sem fljúga hingað til lands muni raskast vegna þess að flugvélarnar Boeing 747 MAX 8 hafi tímabundið verið kyrrsettar og nú séu verkföll yfirvofandi sem beint sé að ferðaþjónustunni. „Í ofanálag voru álögur á bílaleigur auknar um áramótin. Nú verðum við að greiða full vörugjöld af bílum í útleigu. Leigubílstjórar, útgerðir og flugfélög þurfa ekki að greiða vörugjöld af sínum atvinnutækjum. Þetta er ósanngjarnt. Aukinheldur erum við einu fyrirtækin í ferðaþjónustu sem greiða virðisaukaskatt í hæsta þrepi sem er með því hæsta sem þekkist í heiminum,“ segir Sigfús. Fram kom í skýrslu KPMG í haust að hagnaður bílaleiga sem hlutfall af tekjum hefði dregist saman úr 6,3 prósentum árið 2016 í 0,5 prósent árið 2017. Fjögur af níu félögum sem könnuð voru og telja tæplega 60 prósent af markaðnum, voru rekin með tapi. Vandinn fólst í því að launakostnaður og fjármagnskostnaður fór vaxandi. Enterprise tapaði 88 milljónum árið 2017 en Björn segir að tapið hafi verið eitthvað minna í fyrra. „Árið 2018 í rekstri Hertz á Íslandi var hið versta í níu ár. En við vorum réttum megin við strikið,“ segir Sigfús. Fyrirtækið hagnaðist um 90 milljónir árið 2017. Björn segir að fyrir tveimur árum hafi meðalleigutími verið sjö, átta dagar en sé nú fimm, sex dagar. Ferðamenn, sem geti keyrt ótakmarkað án viðbótarkostnaðar, keyri hins vegar jafn mikið en á styttri tíma. Bílarnir séu því meira eknir og það þurfi að afgreiða þá oftar til viðskiptavina sem auki rekstrarkostnað. Stjórnendur bílaleiga eru almennt sammála um að pantanir í janúar og febrúar hafi verið ágætar. Björn segir að þær bókanir sem nú berist séu einkum frá ferðaskrifstofum. Eftir að fór að bera á verkfallsaðgerðum hafi þær dregist saman um 20-30 prósent. Steingrímur segir að ekki hafi dregið úr pöntunum hjá Bílaleigu Akureyrar en fyrirspurnir vegna verkfalla séu margar. Steingrímur bendir á að almennt séu bílaleigubílar bókaðir í mars til júní. Sigfús Bjarni segir að fyrst kaupi fólk flug, því næst hótel og loks bílaleigubíla. „Sumarið lítur ágætlega út en við höfum kannski fengið um ein þriðja af bókunum sumarsins,“ segir hann. Birtist í Fréttablaðinu Bílaleigur Ferðamennska á Íslandi Fréttir af flugi Mest lesið „Alltaf leiðindamál að lenda í svona“ Viðskipti erlent Gjaldþrotin námu 1,2 milljörðum króna Viðskipti innlent Húsið selt á 78 milljónir og Jakub þarf að reiða fram milljón Viðskipti innlent „Þetta eru mjög mikil vonbrigði fyrir okkur“ Viðskipti innlent Tekjur Haga jukust á fyrsta ársfjórðungi Viðskipti innlent Stýrivextir líklegast ekki lækkaðir aftur á þessu ári Viðskipti innlent Að sleikja narsisstann upp í vinnunni Atvinnulíf Forstjóri Flügger ákærður fyrir brot á viðskiptaþvingunum Viðskipti erlent Lánardrottnar slá af milljarð af vöxtum á ári Viðskipti innlent Íslendingur missir leyfið fyrir KFC í Danmörku eftir meiriháttar hneyksli Viðskipti erlent Fleiri fréttir „Þetta eru mjög mikil vonbrigði fyrir okkur“ Tekjur Haga jukust á fyrsta ársfjórðungi Bjarni Ingimar ráðinn rekstrarstjóri Avia Húsið selt á 78 milljónir og Jakub þarf að reiða fram milljón Gjaldþrotin námu 1,2 milljörðum króna Stýrivextir líklegast ekki lækkaðir aftur á þessu ári Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað Sjá meira
Bílaleigan Enterprise, sem er í eigu Kynnisferða, mun kaupa um 30 prósentum færri nýja bíla í ár en í fyrra. Bílaleiga Akureyrar/Höldur mun kaupa 20-23 prósentum færri nýja bíla í ár og Hertz á Íslandi mun kaupa mun færri nýja bíla. Þetta segja stjórnendur fyrirtækjanna við Fréttablaðið. Steingrímur Birgisson, forstjóri Bílaleigu Akureyrar, segir að stjórnendur fyrirtækisins hafi horft fram á erfiðara rekstrarumhverfi og því ákveðið að fækka bílum í flotanum. Frá og með áramótum hafi bílaleigur orðið að greiða full vörugjöld, launakostnaður sé hár og fari hækkandi og samhliða minna framboði af flugi til landsins var fyrirséð að ferðamönnum myndi fækka. „Það er orðið erfitt að ná endum saman,“ segir hann. Erlendum farþegum sem flugu frá Keflavíkurflugvelli fækkaði um sjö prósent á milli ára í febrúar og um 6,4 prósent ef janúar er tekinn með í reikninginn, samkvæmt tilkynningu ISAVIA. Björn Ragnarsson, forstjóri Kynnisferða, segir að almennt hafi afkoman af rekstri bílaleiga verið afar döpur. „Við höfum markvisst verið að draga úr framboði af bílaleigubílum,“ segir hann. Um sé að ræða viðleitni til að draga úr framboði og hækka verð. Verðin hafi verið ágæt á sumrin en langt undir kostnaðarverði á veturna. Sigfús Bjarni Sigfússon, forstjóri Hertz á Íslandi, hefur verið í ferðamannabransanum í hartnær 30 ár og rekið bílaleigur í 20 ár. „Ég hef ekki upplifað jafn mikla óvissu,“ segir hann og nefnir að óvissa sé uppi um framtíð WOW air, hvort leiðakerfi flugfélaga eins og Icelandair og Norwegian sem fljúga hingað til lands muni raskast vegna þess að flugvélarnar Boeing 747 MAX 8 hafi tímabundið verið kyrrsettar og nú séu verkföll yfirvofandi sem beint sé að ferðaþjónustunni. „Í ofanálag voru álögur á bílaleigur auknar um áramótin. Nú verðum við að greiða full vörugjöld af bílum í útleigu. Leigubílstjórar, útgerðir og flugfélög þurfa ekki að greiða vörugjöld af sínum atvinnutækjum. Þetta er ósanngjarnt. Aukinheldur erum við einu fyrirtækin í ferðaþjónustu sem greiða virðisaukaskatt í hæsta þrepi sem er með því hæsta sem þekkist í heiminum,“ segir Sigfús. Fram kom í skýrslu KPMG í haust að hagnaður bílaleiga sem hlutfall af tekjum hefði dregist saman úr 6,3 prósentum árið 2016 í 0,5 prósent árið 2017. Fjögur af níu félögum sem könnuð voru og telja tæplega 60 prósent af markaðnum, voru rekin með tapi. Vandinn fólst í því að launakostnaður og fjármagnskostnaður fór vaxandi. Enterprise tapaði 88 milljónum árið 2017 en Björn segir að tapið hafi verið eitthvað minna í fyrra. „Árið 2018 í rekstri Hertz á Íslandi var hið versta í níu ár. En við vorum réttum megin við strikið,“ segir Sigfús. Fyrirtækið hagnaðist um 90 milljónir árið 2017. Björn segir að fyrir tveimur árum hafi meðalleigutími verið sjö, átta dagar en sé nú fimm, sex dagar. Ferðamenn, sem geti keyrt ótakmarkað án viðbótarkostnaðar, keyri hins vegar jafn mikið en á styttri tíma. Bílarnir séu því meira eknir og það þurfi að afgreiða þá oftar til viðskiptavina sem auki rekstrarkostnað. Stjórnendur bílaleiga eru almennt sammála um að pantanir í janúar og febrúar hafi verið ágætar. Björn segir að þær bókanir sem nú berist séu einkum frá ferðaskrifstofum. Eftir að fór að bera á verkfallsaðgerðum hafi þær dregist saman um 20-30 prósent. Steingrímur segir að ekki hafi dregið úr pöntunum hjá Bílaleigu Akureyrar en fyrirspurnir vegna verkfalla séu margar. Steingrímur bendir á að almennt séu bílaleigubílar bókaðir í mars til júní. Sigfús Bjarni segir að fyrst kaupi fólk flug, því næst hótel og loks bílaleigubíla. „Sumarið lítur ágætlega út en við höfum kannski fengið um ein þriðja af bókunum sumarsins,“ segir hann.
Birtist í Fréttablaðinu Bílaleigur Ferðamennska á Íslandi Fréttir af flugi Mest lesið „Alltaf leiðindamál að lenda í svona“ Viðskipti erlent Gjaldþrotin námu 1,2 milljörðum króna Viðskipti innlent Húsið selt á 78 milljónir og Jakub þarf að reiða fram milljón Viðskipti innlent „Þetta eru mjög mikil vonbrigði fyrir okkur“ Viðskipti innlent Tekjur Haga jukust á fyrsta ársfjórðungi Viðskipti innlent Stýrivextir líklegast ekki lækkaðir aftur á þessu ári Viðskipti innlent Að sleikja narsisstann upp í vinnunni Atvinnulíf Forstjóri Flügger ákærður fyrir brot á viðskiptaþvingunum Viðskipti erlent Lánardrottnar slá af milljarð af vöxtum á ári Viðskipti innlent Íslendingur missir leyfið fyrir KFC í Danmörku eftir meiriháttar hneyksli Viðskipti erlent Fleiri fréttir „Þetta eru mjög mikil vonbrigði fyrir okkur“ Tekjur Haga jukust á fyrsta ársfjórðungi Bjarni Ingimar ráðinn rekstrarstjóri Avia Húsið selt á 78 milljónir og Jakub þarf að reiða fram milljón Gjaldþrotin námu 1,2 milljörðum króna Stýrivextir líklegast ekki lækkaðir aftur á þessu ári Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað Sjá meira