Ben Affleck opnar sig um alkóhólismann

Leikarinn Ben Affleck hefur lengi vel átt í vandræðum með áfengi og féll hann harkalega á síðasta ári.

Affleck fór í meðferð og virðist hann vera ná sér vel en leikarinn ræddi veikindi sín í samtali við kanadísku sjónvarpsstöðina ET á dögunum.

„Sumum finnst óþægilegt að tala um þetta en það angrar mig ekkert að tala um alkóhólisma. Það er bara hluti af mínu lífi að vera alkóhólisti og eitthvað sem ég verð að takast á við. Þetta þarf ekkert endilega að taka yfir allan persónuleika minn en þetta er samt eitthvað sem ég verð að vinna að. Ég á við vanda og þarf því að takast á við hann,“ segir Affleck sem var í kjölfarið spurður hvernig faðir hann væri.

„Ég held að ég sé góður pabbi og ég reyni mitt besta. Börnin eiga frábæra mömmu og við reynum að ala börnin upp saman eins vel og við getum,“ segir Ben og bætir við að hann elski ennþá fyrrverandi eiginkonu sína, Jennifer Garner.