LÍV vísar kjaradeilunni til sáttasemjara

Landssamband íslenzkra verzlunarmanna, LÍV, hefur tekið ákvörðun um að vísa kjaradeilu sinni við Samtök atvinnulífsins, SA, til ríkissáttasemjara. Ákvörðunin er tekin í samráði við þau aðildarfélög sín sem sambandið hefur samningsumboð fyrir, að því er fram kemur í tilkynningu frá LÍV.

Í tilkynningu segir að viðræður milli aðila hafi staðið yfir frá því fyrir áramót án þess að þær hafi skilað viðeigandi niðurstöðu. Á þessu stigi máls sé því talið rétt að óska eftir aðkomu ríkissáttasemjara að deilunni.

Aðildarfélög LÍV eru, samkvæmt heimasíðu sambandsins, eftirfarandi:

AFL Starfsgreinafélag

Félag verslunar- og skrifstofufólks Akureyri

Framsýn stéttarfélag

Stéttarfélag Vesturlands

Stéttarfélagið Samstaða

Verkalýðsfélag Snæfellinga

Verkalýðsfélag Vestfirðinga

Verkalýðsfélag Þórshafnar

Verslunarmannafélag Skagfirðinga

Verslunarmannafélag Suðurnesja

VR