Kvöldfréttir Stöðvar 2 í beinni útsendingu

Lögreglan á höfuðborgarsvæðinu hefur innsiglað skemmtistaðinn Shooters í Austurstræti. Lögreglan fór í umfangsmiklar aðgerðir vegna gruns um brotastarfsemi og gerði húsleit á átta stöðum í Reykjavík í fyrrinótt en fjallað verður nánar um málið í kvöldfréttum Stöðvar 2.

Útlendingarstofnun er að miklu leyti rekin á fjáraukalögum og fjármagn er sett í tímabundin verkefni innan stofnunarinnar til að halda dampi. Ríkisendurskoðun gaf út svarta skýrslu í desember þar sem bent er á að líklega standist það ekki lög um opinber fjármál. Við ræðum við sviðstjóra hjáÚtlendingastofnun sem segir að stofnunin reyni að nýta þær bjargir sem hún hafi til að bregðast viðábendingum.

Þá fjöllum viðáfram um samgöngumál en sveitarstjórn Skagafjarðar og bæjarstjórnin á Akureyri hafa skoraðá ríkisstjórnina að tryggja fjármagn svo hefja megi undirbúning að Tröllaskagagöngum.

Þá hefur samgönguráðherra velt upp þeirri hugmynd að arðgreiðslur frá Landsvirkjun verði nýttar til að fjármagna nauðsynlegar samgöngubætur, áður en gripið verði til þess að innheimta vegatolla.

Við spjöllum einnig við mann sem var aðeins 25 ára gamall þegar hann byrjaði að undirbúa eigin jarðarför, ræðum við foreldra transbarna áÍslandi og hittum hjón í Hveragerði sem eru afar iðin við að prjóna. Þetta og margt fleira í kvöldfréttum Stöðvar 2 og Bylgjunnar klukkan 18:30.