Tómas Steindórsson spilaði rúmar tíu mínútur í leiknum og skilaði fimm stigum og þremur fráköstum.
„Allt sem hann gerði, var plús,“ sagði Hermann Hauksson þegar sérfræðingar Domino's Körfuboltakvölds ræddu frammistöðu Tómasar.
„Þetta er alvöru maður og það er ekkert bull í honum,“ sagði Fannar Ólafsson. „Hann er raunverulegur. Þessi gaur hefur aldrei ekki vaknað á réttum tíma og mætt ekki á réttum tíma í vinnuna.“
Breiðablik tapaði leiknum 91-90 en þær mínútur þegar Tómas var inn á vann liðið með fjórum stigum. Tapið þýðir að Breiðablik er enn bara með einn sigur í deildinni, er nú fjórum stigum á eftir Sköllunum og átta stigum frá öruggu sæti þegar tólf stig eru í pottinum.
