Efast um hlutlægni Landsréttar vegna stöðu Benedikts

„Hvernig ætlar Landsréttur að tryggja mér hlutlausa málsmeðferð í máli sem þessi valdamikli stjórnsýsluhafi í málefnum dómstólsins hefur höfðað gegn mér?“ Svo spyr Jón Steinar Gunnlaugsson í pistli sem hann birtir á Vísi.

Tilefni skrifanna er mál Benedikts Bogasonar hæstaréttardómara á hendur honum í meiðyrðamáli; Benedikt stefndi Jóni Steinari vegna ummæla sem finna má í bókinni „Með lognið í fangið“ en þar telur hann dómara Landsréttar, meðal annarra Benedikt, hafa framið dómsmorð.

Jón Steinar var sýknaður í héraði en Benedikt áfrýjaði málinu til Landsréttar. En, nú vill svo til að Benedikt er formaður dómstólasýslu sem er sjálfstæð stjórnsýslustofnun sem sagt er að skuli annast sameiginlega stjórnsýslu dómstólanna. Jón Steinar veltir því fyrir sér hvort það geri jafnvel Landsrétt vanhæfan.