Ingileif og María Rut eiga von á barni

Hjónin Ingileif Friðriksdóttir og María Rut Kristinsdóttir eiga von á barni í ágúst næstkomandi. Þær tilkynntu þetta á Facebook í dag en fyrir á María Rut son.

„Við gætum ekki verið spenntari, hamingjusamari og þakklátari fyrir þetta líf sem við eigum,“ segir María Rut í Facebook-færslunni. 

Ingileif og María gengu að eiga hvor aðra við hátíðlega athöfn á Flateyri í júní í fyrra.

María Rut starfar sem aðstoðarkona Þorgerðar Katrínar Gunnarsdóttur, formanns Viðreisnar, en Ingileif er dómari og spurningahöfundur í Gettu betur, spurningakeppni framhaldsskólanum, ásamt því að hafa getið sér gott orð í tónlistarheiminum undanfarin misseri.

„Þrír lukkunnar pamfílar sem hlakka til að verða fimm,“ segir María Rut í færslunni en fjölskyldan ætlar einnig að taka að sér hvolp á næstunni. 

Ingileif deildi einnig tíðindunum á samfélagsmiðlinum Instagram fyrr í dag. 

 

 

 

View this post on Instagram

Fjölla í kasti yfir því hvað lífið er gott ef þið hélduð að það væri bara að bætast hundur við þessa fjölskyldu þá skjátlaðist ykkur því við eigum líka von á litlu kríli í ágúst! Við gætum ekki verið spenntari, hamingjusamari og þakklátari fyrir þetta líf sem við eigum Kv. Þrír lukkunnar pamfílar sem hlakka til að verða 5

A post shared by Ingileif Friðriksdóttir (@ingileiff) on Feb 6, 2019 at 9:25am PST