Heldur úti „leynilegum“ Instagram-reikningi

Meghan Markle hertogynjan af Sussex heldur að sögn vinar hennar úti „leynilegum“ Instagram-reikningi til að forðast fjölmiðla og halda sambandi við vini sína. Tímaritið Elle greinir frá þessu.

Markle neyddist til að eyða Instagram-reikningi sínum skömmu fyrir jól vegna netverja á samfélagsmiðlum sem gerðu henni lífið leitt og ötuðust í henni án afláts.

Fréttir sem unnar voru upp úr Instagram-reikningnum hennar og birtust í slúður-og götlublöðunum eiga að hafa farið fyrir brjóstið á hertogynjunni og eyddi hún reikningi sínum til þess að gæta að geðheilsunni.

Eftir að hún eyddi reikningnum segir heimildarmaðurinn að hún hafi verið mjög einangruð og einmana. Markle á því að hafa brugðið á þetta ráð til þess að halda sambandi við vini sína og fylgjast með þeirra daglega lífi.