Björgólfur leiðir fjárfestahópinn Hörður Ægisson og Kristinn Ingi Jónsson skrifar 23. janúar 2019 06:15 Björgólfur Jóhannsson sagði starfi sínu lausu sem forstjóri Icelandair Group í lok ágúst í fyrra. Hann leiðir hóp fjárfesta sem hefur, ásamt Loftleiðum Icelandic, gert tilboð í 51 prósents hlut í ríkisflugfélaginu á Grænhöfðaeyjum. Fréttablaðið/Vilhelm Björgólfur Jóhannsson, fyrrverandi forstjóri Icelandair Group, leiðir hóp fjárfesta sem taka þátt, ásamt Loftleiðum Icelandic, dótturfélagi flugfélagsins, í kaupum á 51 prósents hlut í ríkisflugfélaginu Cabo Verde Airlines á Grænhöfðaeyjum, samkvæmt heimildum Markaðarins. Auk Björgólfs, sem sagði forstjórastarfinu lausu í lok ágúst í fyrra, samanstendur fjárfestahópurinn meðal annars af þeim Baldvini Þorsteinssyni, framkvæmdastjóra viðskiptaþróunar Samherja og stjórnarformanni Eimskips, og Steingrími Halldóri Péturssyni, fjárfesti og framkvæmdastjóra fjármálasviðs Olís. Loftleiðir Icelandic og fjárfestahópurinn gerðu bindandi kauptilboð í hlutinn í nóvember í fyrra og bíða enn samþykkis frá stjórnvöldum á Grænhöfðaeyjum. Icelandair Group segist í svari við fyrirspurn Markaðarins vænta svara frá ríkisstjórninni í febrúarlok en þá rennur út lögformlegur frestur til þess að svara tilboðinu. Umrætt kauptilboð í meirihluta hlutafjár í ríkisflugfélagi Grænhöfðaeyja var lagt fram í nafni félagsins Loftleiðir Cabo Verde en Loftleiðir Icelandic fara með 70 prósenta hlut í félaginu og fjárfestahópurinn 30 prósenta hlut. Baldvin Þorsteinsson var kjörinn stjórnarformaður félagsins á hluthafafundi 12. nóvember síðastliðinn og um leið tóku sæti í stjórn þeir Steingrímur Halldór og Árni Hermannsson, framkvæmdastjóri Loftleiða Icelandic. Gangi kaupin eftir verður kaupverðið á hlutnum í Cabo Verde Airlines óverulegt og mun aðeins hlaupa á um tugum milljóna króna, eftir því sem Markaðurinn kemst næst. Tekið var fram í tilkynningu sem Icelandair Group sendi til Kauphallarinnar í lok nóvember að greitt yrði fyrir eignarhlutinn að hluta til með þeirri vinnu sem starfsmenn Loftleiða Icelandic hafa þegar innt af hendi en félagið hefur átt í samstarfi við ríkisflugfélag Grænhöfðaeyja um nokkurt skeið. Þá kom jafnframt fram í tilkynningunni að kaupin myndu hafa „óveruleg áhrif“ á reikningsskil Icelandair Group enda yrði Cabo Verde Airlines ekki hluti af samstæðureikningi íslenska flugfélagsins. Kaup Loftleiða Icelandic og fjárfestahópsins eiga sér langan aðdraganda. Þannig samdi íslenska flugfélagið við stjórnvöld á Grænhöfðaeyjum í ágúst árið 2017 um endurskipulagningu Cabo Verde Airlines en á þeim tíma fór ný ríkisstjórn landsins að huga að einkavæðingu ríkisflugfélagsins. Veitti íslenska félagið þá ráðamönnum á Grænhöfðaeyjum ráðgjöf við að endurskipuleggja ríkisflugfélagið sem og að styrkja alþjóðaflugvöll eyjanna og byggja þar upp tengiflugsbanka fyrir alþjóðaflug. Áður höfðu flugfélögin átt í samstarfi um flugafgreiðslu á Logan-flugvelli í Boston í Bandaríkjunum um árabil. Ef af kaupum Íslendinganna verður er ætlunin sú að Cabo Verde Airlines, sem hefur nú þegar rekstrarleyfi til þess að fljúga áætlunarflug til Evrópu og Bandaríkjanna, taki upp sams konar viðskiptamódel og Icelandair, þar sem Grænhöfðaeyjar yrðu tengimiðstöð fyrir farþega á leið yfir Atlantshafið. Haft var eftir Árna Hermannssyni í tilkynningu Icelandair Group til Kauphallarinnar að tækifæri væru fyrir hendi fyrir vel skipulagt tengiflug á milli Evrópu og Suður-Ameríku annars vegar og vesturhluta Afríku og Norður-Ameríku hins vegar. „Staðsetning eyjanna er ákjósanleg fyrir slíka uppbyggingu,“ sagði Árni. Til viðbótar yrði mögulegt að nýta flugvélar úr flota Icelandair og eftir atvikum áhafnir félagsins í rekstri Cabo Verde Airlines. Cabo Verde Airlines er agnarsmátt flugfélag í alþjóðlegum samanburði og rekur sem dæmi aðeins tvær farþegaþotur. Haft var eftir Erlendi Svavarssyni, framkvæmdastjóra sölu- og markaðssviðs Loftleiða Icelandair, í Morgunblaðinu í lok nóvember að gert væri ráð fyrir að þriðja þotan bættist í flotann í mars á þessu ári og að næsta sumar yrðu vélar félagsins orðnar fimm. Birtist í Fréttablaðinu Fréttir af flugi Grænhöfðaeyjar Mest lesið Kalla inn geislavirka límmiða Neytendur Rukkaðar fyrir sætin: Blöskrar græðgi vertsins, sem segir gjaldið sjálfsagt Neytendur Verðlagssæti Íslands enn eitt árið komi ekki á óvart Neytendur „Þarf lítið til að koma mér af stað í söng og stemningu“ Atvinnulíf Hefur sjálfur séð eyðileggingu af völdum botnvörpuveiða Viðskipti innlent Hætta við Coda Terminal í Hafnarfirði Viðskipti innlent Á von á fleiri fyrirtækjum í hópmálssókn gegn Booking.com Viðskipti innlent Endurskoða áform um 1,5 milljarða skattahækkun Viðskipti innlent Um helmingur sérbýla kostar meira en 150 milljónir Viðskipti innlent Að leysa hratt og vel úr málum í stað þess að pirrast Atvinnulíf Fleiri fréttir Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað „Þetta var ekki gert til að flækja, alls ekki“ Gunnþór verður formaður SFS í stað Guðmundar Heilbrigðiseftirlitið varaði við breytingunum Hvernig get ég ávaxtað peninga barnanna minna sem best? Leita að einhverjum til að reka Kolaportið áfram á sama stað Efast um að veitingamenn óttist að styggja embættismenn Hrund nýr fjármálastjóri Íslandshótela Veitingamenn óttist að styggja embættismenn Regluverk setur langborðinu stólinn fyrir dyrnar Kvika segir hvorugt tilboð nægilega gott Keyptu Björgólf strax út úr Heimum Stólaleikur í Svörtuloftum Jón stýrir markaðsmálunum hjá N1 Stefán nýr útvarpsstjóri Sýnar Sjá meira
Björgólfur Jóhannsson, fyrrverandi forstjóri Icelandair Group, leiðir hóp fjárfesta sem taka þátt, ásamt Loftleiðum Icelandic, dótturfélagi flugfélagsins, í kaupum á 51 prósents hlut í ríkisflugfélaginu Cabo Verde Airlines á Grænhöfðaeyjum, samkvæmt heimildum Markaðarins. Auk Björgólfs, sem sagði forstjórastarfinu lausu í lok ágúst í fyrra, samanstendur fjárfestahópurinn meðal annars af þeim Baldvini Þorsteinssyni, framkvæmdastjóra viðskiptaþróunar Samherja og stjórnarformanni Eimskips, og Steingrími Halldóri Péturssyni, fjárfesti og framkvæmdastjóra fjármálasviðs Olís. Loftleiðir Icelandic og fjárfestahópurinn gerðu bindandi kauptilboð í hlutinn í nóvember í fyrra og bíða enn samþykkis frá stjórnvöldum á Grænhöfðaeyjum. Icelandair Group segist í svari við fyrirspurn Markaðarins vænta svara frá ríkisstjórninni í febrúarlok en þá rennur út lögformlegur frestur til þess að svara tilboðinu. Umrætt kauptilboð í meirihluta hlutafjár í ríkisflugfélagi Grænhöfðaeyja var lagt fram í nafni félagsins Loftleiðir Cabo Verde en Loftleiðir Icelandic fara með 70 prósenta hlut í félaginu og fjárfestahópurinn 30 prósenta hlut. Baldvin Þorsteinsson var kjörinn stjórnarformaður félagsins á hluthafafundi 12. nóvember síðastliðinn og um leið tóku sæti í stjórn þeir Steingrímur Halldór og Árni Hermannsson, framkvæmdastjóri Loftleiða Icelandic. Gangi kaupin eftir verður kaupverðið á hlutnum í Cabo Verde Airlines óverulegt og mun aðeins hlaupa á um tugum milljóna króna, eftir því sem Markaðurinn kemst næst. Tekið var fram í tilkynningu sem Icelandair Group sendi til Kauphallarinnar í lok nóvember að greitt yrði fyrir eignarhlutinn að hluta til með þeirri vinnu sem starfsmenn Loftleiða Icelandic hafa þegar innt af hendi en félagið hefur átt í samstarfi við ríkisflugfélag Grænhöfðaeyja um nokkurt skeið. Þá kom jafnframt fram í tilkynningunni að kaupin myndu hafa „óveruleg áhrif“ á reikningsskil Icelandair Group enda yrði Cabo Verde Airlines ekki hluti af samstæðureikningi íslenska flugfélagsins. Kaup Loftleiða Icelandic og fjárfestahópsins eiga sér langan aðdraganda. Þannig samdi íslenska flugfélagið við stjórnvöld á Grænhöfðaeyjum í ágúst árið 2017 um endurskipulagningu Cabo Verde Airlines en á þeim tíma fór ný ríkisstjórn landsins að huga að einkavæðingu ríkisflugfélagsins. Veitti íslenska félagið þá ráðamönnum á Grænhöfðaeyjum ráðgjöf við að endurskipuleggja ríkisflugfélagið sem og að styrkja alþjóðaflugvöll eyjanna og byggja þar upp tengiflugsbanka fyrir alþjóðaflug. Áður höfðu flugfélögin átt í samstarfi um flugafgreiðslu á Logan-flugvelli í Boston í Bandaríkjunum um árabil. Ef af kaupum Íslendinganna verður er ætlunin sú að Cabo Verde Airlines, sem hefur nú þegar rekstrarleyfi til þess að fljúga áætlunarflug til Evrópu og Bandaríkjanna, taki upp sams konar viðskiptamódel og Icelandair, þar sem Grænhöfðaeyjar yrðu tengimiðstöð fyrir farþega á leið yfir Atlantshafið. Haft var eftir Árna Hermannssyni í tilkynningu Icelandair Group til Kauphallarinnar að tækifæri væru fyrir hendi fyrir vel skipulagt tengiflug á milli Evrópu og Suður-Ameríku annars vegar og vesturhluta Afríku og Norður-Ameríku hins vegar. „Staðsetning eyjanna er ákjósanleg fyrir slíka uppbyggingu,“ sagði Árni. Til viðbótar yrði mögulegt að nýta flugvélar úr flota Icelandair og eftir atvikum áhafnir félagsins í rekstri Cabo Verde Airlines. Cabo Verde Airlines er agnarsmátt flugfélag í alþjóðlegum samanburði og rekur sem dæmi aðeins tvær farþegaþotur. Haft var eftir Erlendi Svavarssyni, framkvæmdastjóra sölu- og markaðssviðs Loftleiða Icelandair, í Morgunblaðinu í lok nóvember að gert væri ráð fyrir að þriðja þotan bættist í flotann í mars á þessu ári og að næsta sumar yrðu vélar félagsins orðnar fimm.
Birtist í Fréttablaðinu Fréttir af flugi Grænhöfðaeyjar Mest lesið Kalla inn geislavirka límmiða Neytendur Rukkaðar fyrir sætin: Blöskrar græðgi vertsins, sem segir gjaldið sjálfsagt Neytendur Verðlagssæti Íslands enn eitt árið komi ekki á óvart Neytendur „Þarf lítið til að koma mér af stað í söng og stemningu“ Atvinnulíf Hefur sjálfur séð eyðileggingu af völdum botnvörpuveiða Viðskipti innlent Hætta við Coda Terminal í Hafnarfirði Viðskipti innlent Á von á fleiri fyrirtækjum í hópmálssókn gegn Booking.com Viðskipti innlent Endurskoða áform um 1,5 milljarða skattahækkun Viðskipti innlent Um helmingur sérbýla kostar meira en 150 milljónir Viðskipti innlent Að leysa hratt og vel úr málum í stað þess að pirrast Atvinnulíf Fleiri fréttir Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað „Þetta var ekki gert til að flækja, alls ekki“ Gunnþór verður formaður SFS í stað Guðmundar Heilbrigðiseftirlitið varaði við breytingunum Hvernig get ég ávaxtað peninga barnanna minna sem best? Leita að einhverjum til að reka Kolaportið áfram á sama stað Efast um að veitingamenn óttist að styggja embættismenn Hrund nýr fjármálastjóri Íslandshótela Veitingamenn óttist að styggja embættismenn Regluverk setur langborðinu stólinn fyrir dyrnar Kvika segir hvorugt tilboð nægilega gott Keyptu Björgólf strax út úr Heimum Stólaleikur í Svörtuloftum Jón stýrir markaðsmálunum hjá N1 Stefán nýr útvarpsstjóri Sýnar Sjá meira