Við étum alltof mikið af þessu kjaftæði Björk Eiðsdóttir skrifar 28. janúar 2019 06:00 Erpi fannst ekki flókið að elda án dýraafurða og ræktar meira að segja sínar eigin kryddjurtir. Rapparinn Erpur Eyvindarson, eða Blaz Roca hefur tekið veganúar föstum tökum og segir það ekki mikið mál að breyta til á þennan hátt enda fær í taílenskri og indverskri matargerð. „Mér finnst gaman að prófa allt, þegar ég ferðast og ég hef borðað sporðdreka, bjöllur og önnur skordýr,“ segir Erpur sem ferðast hefur víða og er augljóslega óhræddur við að prófa sig áfram. „Þetta er smá áskorun, ekki bara að prófa margt nýtt, heldur að láta matinn ganga upp án þess að kjöt eða aðrar dýraafurðir komi þar að. Þetta minnir mig á það þegar ég var að læra myndlist og átti að gera eitthvað spennandi með takmörkuðum verkfærum og oft varð útkoman spennandi.“ Erpur segir málstað veganista höfða til sín en honum megi skipta í þrennt; „Það væri hollt fyrir heiminn að fleiri yrðu vegan enda fer minna landrými í að metta ákveðið magn af grænmetisætum en kjötætum. Verksmiðjubúskapur á Vesturlöndum minnir helst á pyntingarbúðir. Þetta er bara Guantanamo! Sjálfur var ég í sveit og hef unnið á svínabúi og þetta er algjör viðbjóður. Þetta er auðvitað ekki alls staðar jafn slæmt en meðferð á svínum og kjúklingum er bara ógeð. Svo í þriðja lagi er spennandi að finna fyrir breytingum á líkamanum. Það er auðvitað léttara að melta grænmeti en kjöt, svínakjöt er óþolandi í maga. En manni leið hreinlega eins og maður væri með bíldekk í maganum eftir jólin.“ Þrátt fyrir góð áhrif á kroppinn segir Erpur það aðallega hafa verið umhverfis- og dýraverndunarsjónarmið sem hafi fengið hann til að taka dýraafurðir alfarið út þennan fyrsta mánuð ársins. „Við étum allt of mikið af þessu kjaftæði. Það er allt í lagi að éta kjöt og fisk en það má vera mun minna af því. Þetta hefur ekki verið neitt mál, ég kann að elda taílenskt og þar skiptir kjöt engu máli í helstu réttunum þar sem mikið er um grænmeti, chili, engifer, basil og kóríander svo er einnig einfalt að elda indverskan og mexíkóskan mat án dýraafurða. Helstu viðbrigðin eru þegar maður fer yfir í vestræna diska, ég fór t.d. á Grillmarkaðinn um daginn þar sem ég át hnúðkál í orly og sveppi á teini. Það er þá sem maður finnur að þú ert rauðhærði gaurinn í bekknum.“ „Þetta er búið að vera mjög gaman og ég mæli með að allir prófi,“ segir Erpur sem er ekki viss um að hann haldi áfram að vera vegan en hann finni þó að hann sakni ekki kjúklings og svínakjöts. „Ég lít fisk og íslenskt lambakjöt þó öðrum augum, enda gengur það mikið til frjálst og manni líður betur með að borða það. Þar sem það eru hömlur á kjötinnflutningi er minna um sjúkdóma hér og lyfjanotkun sem er gott. En enginn nennir að heyra þetta í dag – allir vilja ódýrt Evrópusambandsdrasl sem myndi auka á þessa áhættu.“ Erpur segist ekki hlusta á þá sem hafa horn í síðu veganista og þó hann sé sjálfur að prófa lífsstílinn í fyrsta sinn þá hafi hann alltaf dáðst að þeim sem hann aðhyllast. „Ég nenni ekki að hlusta á lið væla yfir því að einhver taki á sig að éta brokkólí til að bjarga dýrum úr hræðilegum aðstæðum, eða svo við getum fætt fleiri íbúa heimsins. Það hljómar enginn sem hann sé öruggur í sínu ef hann er að væla yfir því hvað aðrir éta – það var enginn að spyrja þig!“ Birtist í Fréttablaðinu Matur Vegan Mest lesið Val Kilmer er látinn Lífið Þorsteinn og Hulda selja í Hlíðunum Lífið „Fróunarklefinn“, versti leikstjóri heims og Teslu-skömmin Lífið Katrín Tanja minnist Theo: „Hann kenndi mér hvernig á að elska“ Lífið Giskaði sig í eina milljón Lífið Helgi Björns og Siggi Hall skemmtu sér konunglega Lífið „Mikilvægt að gera hluti sem hann yrði stoltur af“ Menning Innsigluðu ástina með sérhönnuðu húðflúri Lífið Fólk þurfi alltaf að sætta sig við eitthvað sem því líkar illa við í fari makans Lífið Sækir innblásturinn í rússnesku ræturnar Tónlist Fleiri fréttir Þorsteinn og Hulda selja í Hlíðunum Vilja vera einn af vorboðunum Katrín Tanja minnist Theo: „Hann kenndi mér hvernig á að elska“ Fincher leikstýrir Pitt í framhaldi á Tarantino-mynd Giskaði sig í eina milljón Fólk þurfi alltaf að sætta sig við eitthvað sem því líkar illa við í fari makans Þórdís Lóa brast í söng í pontu Innsigluðu ástina með sérhönnuðu húðflúri Helgi Björns og Siggi Hall skemmtu sér konunglega Val Kilmer er látinn „Fróunarklefinn“, versti leikstjóri heims og Teslu-skömmin Vill kynlíf en ekki samband „Var ekkert búin að reikna saman þessi laun“ Jennifer Lawrence orðin tveggja barna móðir Forsetahjónin, Elísabet Jökuls og Hugleikur létu sig ekki vanta „Ég held ég sé með niðurgang“ Rekur heimili fyrir unglingsmæður í Kenía fyrir hálfa milljón á mánuði Steldu stílnum af heimili Svönu Lovísu Hollt veisluhlaðborð sem er lygilega bragðgott og girnilegt Stjörnulífið: Eddan, rauðar blúndur og afmæli í París VÆB-bræður fyrstir á svið í Eurovision Vörur sem flugfreyjur kaupa í Bandaríkjunum Stefán Einar og Sara Lind selja parhúsið Richard Chamberlain er látinn Úr svefnherbergispoppi í drum-n-bass: „Fólkið var ógeðslega mikið að fíla þetta“ „Þarna brotnaði ég bara niður og grét og grét“ Krakkatían: Andrés Önd, Bubbi Morthens og ballett Adolescence: Börn ekki lengur örugg ein inni í herbergi Halda tíu tíma maraþontónleika Löng fangelsisvist blasir við popparanum Sjá meira
Rapparinn Erpur Eyvindarson, eða Blaz Roca hefur tekið veganúar föstum tökum og segir það ekki mikið mál að breyta til á þennan hátt enda fær í taílenskri og indverskri matargerð. „Mér finnst gaman að prófa allt, þegar ég ferðast og ég hef borðað sporðdreka, bjöllur og önnur skordýr,“ segir Erpur sem ferðast hefur víða og er augljóslega óhræddur við að prófa sig áfram. „Þetta er smá áskorun, ekki bara að prófa margt nýtt, heldur að láta matinn ganga upp án þess að kjöt eða aðrar dýraafurðir komi þar að. Þetta minnir mig á það þegar ég var að læra myndlist og átti að gera eitthvað spennandi með takmörkuðum verkfærum og oft varð útkoman spennandi.“ Erpur segir málstað veganista höfða til sín en honum megi skipta í þrennt; „Það væri hollt fyrir heiminn að fleiri yrðu vegan enda fer minna landrými í að metta ákveðið magn af grænmetisætum en kjötætum. Verksmiðjubúskapur á Vesturlöndum minnir helst á pyntingarbúðir. Þetta er bara Guantanamo! Sjálfur var ég í sveit og hef unnið á svínabúi og þetta er algjör viðbjóður. Þetta er auðvitað ekki alls staðar jafn slæmt en meðferð á svínum og kjúklingum er bara ógeð. Svo í þriðja lagi er spennandi að finna fyrir breytingum á líkamanum. Það er auðvitað léttara að melta grænmeti en kjöt, svínakjöt er óþolandi í maga. En manni leið hreinlega eins og maður væri með bíldekk í maganum eftir jólin.“ Þrátt fyrir góð áhrif á kroppinn segir Erpur það aðallega hafa verið umhverfis- og dýraverndunarsjónarmið sem hafi fengið hann til að taka dýraafurðir alfarið út þennan fyrsta mánuð ársins. „Við étum allt of mikið af þessu kjaftæði. Það er allt í lagi að éta kjöt og fisk en það má vera mun minna af því. Þetta hefur ekki verið neitt mál, ég kann að elda taílenskt og þar skiptir kjöt engu máli í helstu réttunum þar sem mikið er um grænmeti, chili, engifer, basil og kóríander svo er einnig einfalt að elda indverskan og mexíkóskan mat án dýraafurða. Helstu viðbrigðin eru þegar maður fer yfir í vestræna diska, ég fór t.d. á Grillmarkaðinn um daginn þar sem ég át hnúðkál í orly og sveppi á teini. Það er þá sem maður finnur að þú ert rauðhærði gaurinn í bekknum.“ „Þetta er búið að vera mjög gaman og ég mæli með að allir prófi,“ segir Erpur sem er ekki viss um að hann haldi áfram að vera vegan en hann finni þó að hann sakni ekki kjúklings og svínakjöts. „Ég lít fisk og íslenskt lambakjöt þó öðrum augum, enda gengur það mikið til frjálst og manni líður betur með að borða það. Þar sem það eru hömlur á kjötinnflutningi er minna um sjúkdóma hér og lyfjanotkun sem er gott. En enginn nennir að heyra þetta í dag – allir vilja ódýrt Evrópusambandsdrasl sem myndi auka á þessa áhættu.“ Erpur segist ekki hlusta á þá sem hafa horn í síðu veganista og þó hann sé sjálfur að prófa lífsstílinn í fyrsta sinn þá hafi hann alltaf dáðst að þeim sem hann aðhyllast. „Ég nenni ekki að hlusta á lið væla yfir því að einhver taki á sig að éta brokkólí til að bjarga dýrum úr hræðilegum aðstæðum, eða svo við getum fætt fleiri íbúa heimsins. Það hljómar enginn sem hann sé öruggur í sínu ef hann er að væla yfir því hvað aðrir éta – það var enginn að spyrja þig!“
Birtist í Fréttablaðinu Matur Vegan Mest lesið Val Kilmer er látinn Lífið Þorsteinn og Hulda selja í Hlíðunum Lífið „Fróunarklefinn“, versti leikstjóri heims og Teslu-skömmin Lífið Katrín Tanja minnist Theo: „Hann kenndi mér hvernig á að elska“ Lífið Giskaði sig í eina milljón Lífið Helgi Björns og Siggi Hall skemmtu sér konunglega Lífið „Mikilvægt að gera hluti sem hann yrði stoltur af“ Menning Innsigluðu ástina með sérhönnuðu húðflúri Lífið Fólk þurfi alltaf að sætta sig við eitthvað sem því líkar illa við í fari makans Lífið Sækir innblásturinn í rússnesku ræturnar Tónlist Fleiri fréttir Þorsteinn og Hulda selja í Hlíðunum Vilja vera einn af vorboðunum Katrín Tanja minnist Theo: „Hann kenndi mér hvernig á að elska“ Fincher leikstýrir Pitt í framhaldi á Tarantino-mynd Giskaði sig í eina milljón Fólk þurfi alltaf að sætta sig við eitthvað sem því líkar illa við í fari makans Þórdís Lóa brast í söng í pontu Innsigluðu ástina með sérhönnuðu húðflúri Helgi Björns og Siggi Hall skemmtu sér konunglega Val Kilmer er látinn „Fróunarklefinn“, versti leikstjóri heims og Teslu-skömmin Vill kynlíf en ekki samband „Var ekkert búin að reikna saman þessi laun“ Jennifer Lawrence orðin tveggja barna móðir Forsetahjónin, Elísabet Jökuls og Hugleikur létu sig ekki vanta „Ég held ég sé með niðurgang“ Rekur heimili fyrir unglingsmæður í Kenía fyrir hálfa milljón á mánuði Steldu stílnum af heimili Svönu Lovísu Hollt veisluhlaðborð sem er lygilega bragðgott og girnilegt Stjörnulífið: Eddan, rauðar blúndur og afmæli í París VÆB-bræður fyrstir á svið í Eurovision Vörur sem flugfreyjur kaupa í Bandaríkjunum Stefán Einar og Sara Lind selja parhúsið Richard Chamberlain er látinn Úr svefnherbergispoppi í drum-n-bass: „Fólkið var ógeðslega mikið að fíla þetta“ „Þarna brotnaði ég bara niður og grét og grét“ Krakkatían: Andrés Önd, Bubbi Morthens og ballett Adolescence: Börn ekki lengur örugg ein inni í herbergi Halda tíu tíma maraþontónleika Löng fangelsisvist blasir við popparanum Sjá meira