Björgvin í stuði er KR afgreiddi Fram

KR vann öruggan 4-0 sigur á Fram í Reykjavíkur-mótinu en liðin áttust við í Egilshöllinni í dag.

Framherjinn Björgvin Stefánsson var funheitur og skoraði fyrstu þrjú mörk KR-inga. Tvö þeirra komu í fyrri hálfleik og eitt í síðari hálfleik.

Síðasta mark leiksins skoraði hinn ungi og efnilegi Stefán Árni Geirsson er rúm klukkustund var liðinn af leiknum. Lokatölur 4-0.

Þetta var fyrsti leikur beggja liða í riðlinum og er því KR með þrjú stig en Fram án stiga. Fylkir og Þróttur eru einnig í riðlinum.