Körfuboltakvöld: Maður er alltaf ánægður þegar maður vinnur Keflavík

Dominos-deild kvenna var til umræðu þar sem farið var yfir sjónvarpsleik Vals og Keflavíkur, ásamt því birt lið og leikmann umferðarinnar.



Stórleikur Vals og Keflavíkur reyndist vera vondbirgði en Valskonur stungu af í fyrri hálfleik.



Keflavík náði að saxa á forskot Vals í seinni hálfleik, en lokatölur urðu 101-94.



Helena Sverrisdóttir gekk til liðs við Val á dögunum og er leikmannahópur liðsins orðinn gríðarlega sterkur.



„Ef Valur tapar leik, þá er það bara klúður, bara mistök. Þær eru með langbesta liðið,"“ gekk Jón Halldór svo langt að segja.



Þá var tilkynnt lið og leikmann umferðarinnar en besti leikmaður tólftu umferðar Shequila Joseph en hún var frábær í sigri Skallagríms á nágrönnum sínum í Snæfelli. Shequila skoraði 35 stig og tók svo 25 fráköst ásamt því að gefa 7 stoðsendingar.

Klippa: Körfuboltakvöld: Umræða um Dominos-deild kvenna