Tilnefningar til Íslensku bókmenntaverðlaunanna

Tilnefningar til Íslensku bókmenntaverðlaunanna árið 2018 voru tilkynntar í dag við hátíðlega athöfn á Kjarvalsstöðum. Verðlaun eru veitt í þremur flokkum; Fræðibækur og rit almenns eðlis, barna-og ungmennabókmenntir og fagurbókmenntir.



Formenn dómnefndanna þriggja sem valið hafa tilnefningarnar munu svo koma saman ásamt formanni og velja einn verðlaunahafa úr hverjum flokki. Íslensku bókmenntaverðlaunin 2018 verða afhent um mánaðamótin janúar og febrúar á næsta ári en Guðni Th. Jóhannesson veitir verðlaunin. Verðlaunahafar hljóta eina milljón króna fyrir hvert verðlaunaverk.

Verðlaunin voru fyrst veitt árið 1989 og er þetta því í 30. sinn sem verðlaunin verða veitt.

Eftirfarandi bækur eru tilnefndar í flokki fræðibóka og rita almenns eðlis:

Auður Jónsdóttir, Bára Huld Beck og Steinunn Stefánsdóttir

Þjáningarfrelsið. Óreiða hugsjóna og hagsmuna í heimi fjölmiðla

Útgefandi: Mál og menning

Hörður Kristinsson, Jón Baldur Hlíðberg og Þóra Ellen Þórhallsdóttir

Flóra Íslands. Blómplöntur og birkningar

Útgefandi: Vaka-Helgafell

Ragnar Helgi Ólafsson

Bókasafn föður míns

Útgefandi: Bjartur

Sverrir Jakobsson Kristur.

Saga hugmyndar

Útgefandi: Hið íslenska bókmenntafélag

Þórunn Jarla Valdimarsdóttir

Skúli fógeti - faðir Reykjavíkur

Útgefandi: JPV útgáfa

Dómnefnd skipuðu: Knútur Hafsteinsson, Kolbrún Elfa Sigurðardóttir og Þórunn Sigurðardóttir, formaður nefndar.

Eftirfarandi bækur eru tilnefndar í flokki barna- og ungmennabóka:

Hjörleifur Hjartarson og Rán Flygenring

Sagan um Skarphéðin Dungal sem setti fram nýjar kenningar um eðli alheimsins

Útgefandi: Angústúra

Hildur Knútsdóttir

Ljónið

Útgefandi: JPV útgáfa

Ragnheiður Eyjólfsdóttir

Rotturnar

Útgefandi: Vaka-Helgafell

Sigrún Eldjárn

Silfurlykillinn

Mál og menning

Arnar Már Arngrímsson

Sölvasaga Daníelssonar

Útgefandi: Sögur útgáfa

Dómnefnd skipuðu:Anna Þorbjörg Ingólfsdóttir, formaður nefndar, Jórunn Sigurðardóttir og Þórlindur Kjartansson.

Eftirfarandi bækur eru tilnefndar í flokki fagurbókmennta:

Auður Ava Ólafsdóttir

Ungfrú Ísland

Útgefandi: Benedikt bókaútgáfa

Bergsveinn Birgisson

Lifandilífslækur

Útgefandi: Bjartur

Gerður Kristný

Sálumessa

Útgefandi: Mál og menning

Hallgrímur Helgason

Sextíu kíló af sólskini

Útgefandi: JPV útgáfa

Hannes Pétursson

Haustaugu

Bókaútgáfan Opna

Dómnefnd skipuðu: Bergsteinn Sigurðsson, Ragnhildur Richter og Steingrímur Þórðarson, formaður nefndar