Gjöfull trekantur

Sýningin opnaði á Valentínusardaginn sjálfan 14. febrúar í Gallery Port á Hallgerðargötu 19-23. Það eru þau Frosti Gnarr, Unnar Ari Baldvinsson og Comfortable Universe sem eiga verkin á sýningunni.

Á sýningunni Throuple eru þessir listamenn öll komin í eina sæng og hvert þeirra tekur sitt pláss en öll bjóða þau gestum sinn faðm.

Laugardaginn 7. mars fer fram listamannaspjall og lokahóf á sýningunni. 

„Listamannaspjallið milli Frosta Gnarr og Unnars Ara Baldvinssonar fer fram klukkan 17. Listamannatvíeykið sem skipar Comfortable Universe verða fjarri góðu gamni, enda búsett í Úkraínu.

Comfortable Universe skipa hjónin Óskar Hallgrímsson og Ma Riika. Þau hafa haldið sýningar hér á landi og víðar síðan 2021. Þau búa og starfa í Úkraínu. 

Hún hefur tekið þátt í fjölda samsýninga og haldið einkasýningar víðsvegar ásamt því að vinna sem húðflúrari í lausaverkum. Óskar er grafískur hönnuður og hefur starfað sem ljósmyndari síðastliðin 18 ár, á Íslandi, víða um heim og nú síðast í stríðinu í Úkraínu.

Unnar Ari Baldvinsson stundaði nám við Myndlistarskólann í Reykjavík og framhaldsnám í Accademia Italiana og Florence University of Arts á Ítalíu þar sem hann útskrifaðist árið 2013. 

Hann hefur haldið fjölda einkasýninga og samsýninga á Íslandi og erlendis.

Frosti Gnarr er myndlistarmaður og ljósmyndari með aðsetur á Íslandi. Verk hans kanna mörk nærveru, sjálfsmyndar og eftirlits í samtímanum, þar sem hann vinnur bæði með stafrænar og hefðbundnar ljósmyndaaðferðir. 

Verk hans hafa verið sýnd í ólíkum samhengi og hann vinnur jafnframt þvert á skapandi greinar við hönnun, útgáfu og menningarverkefni,“ segir í fréttatilkynningu.

Hér má sjá vel valdar myndir frá opnun: