Vandræðaleg veisla á Bessastöðum Jakob Bjarnar skrifar 30. nóvember 2018 11:33 Meðan Ólafur Ísleifsson skemmti sé á Bessastöðum ákvað stjórn Flokks fólksins samhljóma að skora á hann að láta af þingmennsku. visir/vilhelm Þingmannaveislan á Bessastöðum í gærkvöldi var samkvæmt heimildum Vísis vandræðaleg. Hún var haldin í skugga þess að í gær höfðu allir fjölmiðlar landsins fjallað ítarlega um upptökur sem höfðu borist DV og Stundinni þar sem heyra má Sigmund Davíð Gunnlaugsson, Gunnar Braga Sveinsson, Bergþór Ólason og Önnu Kolbrúnu Árnadóttur Miðflokki auk þeirra Ólafs Ísleifssonar og Karls Gauta Hjaltasonar Flokki fólksins, láta dólgslega á Klaustur bar og ausa palladómum yfir samstarfsfólk sitt á þingi.Þeir Gunnar Bragi og Bergþór mættu ekki til veislunnar. Þeir Bergþór og Gunnar Bragi höfðu sig helst í frammi á barnum með meiðandi ummælum en engu að síður kom það ýmsum þingmönnum sem Vísir hefur rætt við það mjög á óvart að hin fjögur skildu mæta og láta sem ekkert væri. Glaðbeittir.Katrín Jakobsdóttir forsætisráðherra sat til borðs með Guðmundi Inga, varaformanni Flokks fólksins, sem nýtur verulegrar samúðar meðal þingmanna vegna erfiðrar stöðu.visir/vilhelmEinn þingmaður sem Vísir ræddi við segist hafa metið það svo að það sætti furðu að þau skyldu ekki hafa séð sóma sinn í því að sleppa því að mæta. Rykið væri hvergi nærri sest og reyndar vandséð hvenær það verður; ljóst er að samstarfið á þinginu verður stirt í fyrirsjáanlegri framtíð.Túlkað sem svo að forsetinn væri að mælast til afsagnar Veislunni lauk snemma eða klukkan hálf tíu. Hún fór fram í nokkrum sölum Bessastaða og þótti Guðna Jóhannssyni forseta mælast vel þá er hann bauð þingheim velkominn til teitis. Þeir sem mættu voru í vandræðum, að sögn eins þeirra sem Vísir ræddi við, hvort þeir ættu yfirleitt að mæta vegna Klaustur-málsins. Það var hins vegar almennt metið svo í þingmannaliðinu að ekki væri hægt að láta nokkra dónakalla ráða því; þetta snérist fyrst og fremst um það að sýna forsetahjónunum virðingu. Forsetinn benti á að engin manneskja væri stærri en það embætti sem hann gegndi. Margir í salnum túlkuðu það sem svo að forsetinn væri að mælast til afsagnar þeirra sem teljast til Klaustur-gengisins. Þeirra tími á þinginu væri liðinn.Sigmundur Davíð mætir til veislu á Bessastöðum í gær. Hann sat sem keisari við enda ríkisráðsborðsins.visir/vilhelmEn, ekki er víst að allir hafi túlkað það svo. Í það minnsta ekki á borðinu hvar Karl Gauti og Ólafur Ísleifsson sátu ásamt nokkrum þingmönnum Sjálfstæðisflokksins, svo sem þeim Birgi Ármannssyni, Njáli Trausta Friðbertssyni og svo Birgi Þórarinssyni Miðflokki. Þar voru hlátrasköll og slógu menn sér á lær. Samkvæmt heimildamanni Vísis mátti það heita fremur tilgerðarlegt.Sigmundur sem keisari við ríkisráðsborðið Katrín Jakobsdóttir forsætisráðherra sat til borðs með Guðmundi Inga Kristinssyni, varaformanni Flokks fólksins. Víst er að hann og Inga Sæland njóta nokkurrar samúðar meðal þingmanna vegna ástandsins.. Inga var ekki á staðnum en á fundi stjórnar flokksins var samþykkt einróma að beina þeim tilmælum til þeirra Karls Gauta og Ólafs Ísleifssonar að þeir létu af þingmennsku. Píratar héldu saman, Samfylkingarfólk einnig en við hið svokallaða ríkisráðsborð sat meðal annarra Viðreisnarfólk, Rósa Björk Brynjólfsdóttir úr Vinstri grænum og þar við endann settist svo Sigmundur Davíð og að sögn heimildarmanns Vísis var það sérkennilegt, því þar mun hann hafa setið fremur afskiptur eins og keisari við borðsendann.Að neðan má sjá stemmninguna hjá þingmönnum á leið til veislunnar að loknu fyrirpartýi með fyrrverandi þingmönnum í þingskálanum á Alþingi.Uppfært klukkan 12:49Örnólfur Thorsson forsetaritari kannast ekki við að forseti Íslands hafi haft neitt um það að segja að Bergþór Ólason og Gunnar Bragi Sveinsson mættu ekki til veislunnar.Klippa: Skrýtin stemmning hjá þingmönnum á leið til veislu á Bessastöðum Upptökur á Klaustur bar Mest lesið „Hér er ekki ódýr orka í neinum alþjóðlegum samanburði“ Innlent Læknir nýtti sér sjúkraskrár til að afla viðskiptavina Innlent „Kennarar eiga ekki að vera í einhverjum lögguhlutverki“ Innlent Setti byssukúlu í póstkassa: „Næsta kemur ekki í umslagi“ Innlent Bandaríska utanríkisráðuneytið tjáir sig ekki um undirróðursherferð Erlent Gunnfaxi ekki á safnið nema annar þristur fáist á sandinn Innlent Stefnir Hödd vegna ásökunar um nauðgun Innlent Lögreglan vill ná tali af þremur mönnum Innlent Kjördæmapot og pólitískar sveiflur megi ekki ráða för Innlent Stytta þurfi sumarfrí barna um að lágmarki tvær vikur Innlent Fleiri fréttir „Hér er ekki ódýr orka í neinum alþjóðlegum samanburði“ „Kennarar eiga ekki að vera í einhverjum lögguhlutverki“ Læknir nýtti sér sjúkraskrár til að afla viðskiptavina Kjördæmapot og pólitískar sveiflur megi ekki ráða för Gunnfaxi ekki á safnið nema annar þristur fáist á sandinn Vona að áreiðanleiki verði meiri með fjölgun vagna og aukinni tíðni Rússum „drullusama“ um friðarumleitanir Ísland fýsilegur kostur fyrir rafmyntaþvott í augum glæpamanna Sprengjuregn, svikin loforð, og vel heppnuð hárígræðsla Greip í húna en var gripinn mígandi Ísjaki stærri en Hallgrímskirkja blasti við Eldur kviknaði út frá glerkúlu í gluggakistu Setti byssukúlu í póstkassa: „Næsta kemur ekki í umslagi“ Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Sjá meira
Þingmannaveislan á Bessastöðum í gærkvöldi var samkvæmt heimildum Vísis vandræðaleg. Hún var haldin í skugga þess að í gær höfðu allir fjölmiðlar landsins fjallað ítarlega um upptökur sem höfðu borist DV og Stundinni þar sem heyra má Sigmund Davíð Gunnlaugsson, Gunnar Braga Sveinsson, Bergþór Ólason og Önnu Kolbrúnu Árnadóttur Miðflokki auk þeirra Ólafs Ísleifssonar og Karls Gauta Hjaltasonar Flokki fólksins, láta dólgslega á Klaustur bar og ausa palladómum yfir samstarfsfólk sitt á þingi.Þeir Gunnar Bragi og Bergþór mættu ekki til veislunnar. Þeir Bergþór og Gunnar Bragi höfðu sig helst í frammi á barnum með meiðandi ummælum en engu að síður kom það ýmsum þingmönnum sem Vísir hefur rætt við það mjög á óvart að hin fjögur skildu mæta og láta sem ekkert væri. Glaðbeittir.Katrín Jakobsdóttir forsætisráðherra sat til borðs með Guðmundi Inga, varaformanni Flokks fólksins, sem nýtur verulegrar samúðar meðal þingmanna vegna erfiðrar stöðu.visir/vilhelmEinn þingmaður sem Vísir ræddi við segist hafa metið það svo að það sætti furðu að þau skyldu ekki hafa séð sóma sinn í því að sleppa því að mæta. Rykið væri hvergi nærri sest og reyndar vandséð hvenær það verður; ljóst er að samstarfið á þinginu verður stirt í fyrirsjáanlegri framtíð.Túlkað sem svo að forsetinn væri að mælast til afsagnar Veislunni lauk snemma eða klukkan hálf tíu. Hún fór fram í nokkrum sölum Bessastaða og þótti Guðna Jóhannssyni forseta mælast vel þá er hann bauð þingheim velkominn til teitis. Þeir sem mættu voru í vandræðum, að sögn eins þeirra sem Vísir ræddi við, hvort þeir ættu yfirleitt að mæta vegna Klaustur-málsins. Það var hins vegar almennt metið svo í þingmannaliðinu að ekki væri hægt að láta nokkra dónakalla ráða því; þetta snérist fyrst og fremst um það að sýna forsetahjónunum virðingu. Forsetinn benti á að engin manneskja væri stærri en það embætti sem hann gegndi. Margir í salnum túlkuðu það sem svo að forsetinn væri að mælast til afsagnar þeirra sem teljast til Klaustur-gengisins. Þeirra tími á þinginu væri liðinn.Sigmundur Davíð mætir til veislu á Bessastöðum í gær. Hann sat sem keisari við enda ríkisráðsborðsins.visir/vilhelmEn, ekki er víst að allir hafi túlkað það svo. Í það minnsta ekki á borðinu hvar Karl Gauti og Ólafur Ísleifsson sátu ásamt nokkrum þingmönnum Sjálfstæðisflokksins, svo sem þeim Birgi Ármannssyni, Njáli Trausta Friðbertssyni og svo Birgi Þórarinssyni Miðflokki. Þar voru hlátrasköll og slógu menn sér á lær. Samkvæmt heimildamanni Vísis mátti það heita fremur tilgerðarlegt.Sigmundur sem keisari við ríkisráðsborðið Katrín Jakobsdóttir forsætisráðherra sat til borðs með Guðmundi Inga Kristinssyni, varaformanni Flokks fólksins. Víst er að hann og Inga Sæland njóta nokkurrar samúðar meðal þingmanna vegna ástandsins.. Inga var ekki á staðnum en á fundi stjórnar flokksins var samþykkt einróma að beina þeim tilmælum til þeirra Karls Gauta og Ólafs Ísleifssonar að þeir létu af þingmennsku. Píratar héldu saman, Samfylkingarfólk einnig en við hið svokallaða ríkisráðsborð sat meðal annarra Viðreisnarfólk, Rósa Björk Brynjólfsdóttir úr Vinstri grænum og þar við endann settist svo Sigmundur Davíð og að sögn heimildarmanns Vísis var það sérkennilegt, því þar mun hann hafa setið fremur afskiptur eins og keisari við borðsendann.Að neðan má sjá stemmninguna hjá þingmönnum á leið til veislunnar að loknu fyrirpartýi með fyrrverandi þingmönnum í þingskálanum á Alþingi.Uppfært klukkan 12:49Örnólfur Thorsson forsetaritari kannast ekki við að forseti Íslands hafi haft neitt um það að segja að Bergþór Ólason og Gunnar Bragi Sveinsson mættu ekki til veislunnar.Klippa: Skrýtin stemmning hjá þingmönnum á leið til veislu á Bessastöðum
Upptökur á Klaustur bar Mest lesið „Hér er ekki ódýr orka í neinum alþjóðlegum samanburði“ Innlent Læknir nýtti sér sjúkraskrár til að afla viðskiptavina Innlent „Kennarar eiga ekki að vera í einhverjum lögguhlutverki“ Innlent Setti byssukúlu í póstkassa: „Næsta kemur ekki í umslagi“ Innlent Bandaríska utanríkisráðuneytið tjáir sig ekki um undirróðursherferð Erlent Gunnfaxi ekki á safnið nema annar þristur fáist á sandinn Innlent Stefnir Hödd vegna ásökunar um nauðgun Innlent Lögreglan vill ná tali af þremur mönnum Innlent Kjördæmapot og pólitískar sveiflur megi ekki ráða för Innlent Stytta þurfi sumarfrí barna um að lágmarki tvær vikur Innlent Fleiri fréttir „Hér er ekki ódýr orka í neinum alþjóðlegum samanburði“ „Kennarar eiga ekki að vera í einhverjum lögguhlutverki“ Læknir nýtti sér sjúkraskrár til að afla viðskiptavina Kjördæmapot og pólitískar sveiflur megi ekki ráða för Gunnfaxi ekki á safnið nema annar þristur fáist á sandinn Vona að áreiðanleiki verði meiri með fjölgun vagna og aukinni tíðni Rússum „drullusama“ um friðarumleitanir Ísland fýsilegur kostur fyrir rafmyntaþvott í augum glæpamanna Sprengjuregn, svikin loforð, og vel heppnuð hárígræðsla Greip í húna en var gripinn mígandi Ísjaki stærri en Hallgrímskirkja blasti við Eldur kviknaði út frá glerkúlu í gluggakistu Setti byssukúlu í póstkassa: „Næsta kemur ekki í umslagi“ Hljóðfæraleikarar skrifa undir nýjan kjarasamning Stefnir Hödd vegna ásökunar um nauðgun Rektor rýfur þögnina eftir mótmælin á Þjóðminjasafninu Lögreglan vill ná tali af þremur mönnum Ragna og Rögnvaldur ráðin aðstoðarrektorar Gefur ekkert upp um breytta forgangsröðun jarðgangna Vinstribeygja inn á Bústaðaveg gæti heyrt sögunni til „Augljóst að bæst hefur við íbúa“ Mögulega þúsundir glæpamanna nýtt þjónustuna: „Ísland er misnotað í svona málum“ Alþjóðlegt peningaþvætti á Íslandi, hitakosningar og í beinni frá EM Stytta þurfi sumarfrí barna um að lágmarki tvær vikur Sá blóðugan mann hlaupa út og árásarmanninn á eftir honum Boðar fyrstu samgönguáætlunina í fimm ár á haustþingi Bein útsending: Innviðaþing 2025 - Sterkir innviðir – sterkt samfélag Leysti út lögmannsréttindin: Fer í sjálfstæðan rekstur en heldur eftirlaununum Komu göngumanni til bjargar við Lakagíga Þvættuðu milljarða af illa fenginni rafmynt á Íslandi Sjá meira