Facebook enn og aftur á hælunum Samúel Karl Ólason skrifar 15. nóvember 2018 15:30 Forsvarsmenn Facebook halda því fram að grein NYT sé ónákvæm, án þess þó að fara út í hvað sé ónákvæmt í greininni, og í yfirlýsingunni segir einnig að Facebook hafi lengi tekið áróður Rússa og annarra alvarlega. AP/John Minchillo Forsvarsmenn Facebook segjast ekki hafa reynt að afvegaleiða almenning í tengslum við áróðursherferð Rússa á samfélagsmiðli fyrirtækisins í aðdraganda forsetakosninganna í Bandaríkjunum 2016. Því er haldið fram í umfangsmikilli grein New York Times, þar sem einnig er sagt frá því að fyrirtækið hafi notað þjónustu ráðgjafafyrirtækis sem stýrt er af íhaldsmönnum til að veitast að aðilum sem gagnrýndu Facebook og þá jafnvel með rasískum árásum. Fyrirtækið segir frétt New York Times vera ónákvæma en hefur þó slitið tengslum sínum við áðurnefnt ráðgjafafyrirtæki sem heitir Definers Public Affairs. Blaðamenn New York Times tóku viðtöl við rúmlega 50 manns við gerð fréttarinnar og tók vinnan um hálft ár. Meðal þeirra sem rætt var við voru núverandi og fyrrverandi framkvæmdastjórar og starfsmenn Facebook, þingmenn, embættismenn og fleiri. Flestir þeirra ræddu við blaðamennina undir nafnleynd þar sem margir höfðu skrifað undir þagnarsamkomulag og aðrir óttuðust refsingar. Greinin sem varð úr þessum viðtölum kallast; „Delay, Deny and Deflect: How Facbook‘s Leaders Fought Through Crisis“, sem lauslega þýtt er „Tefja, neita og afvegaleiða: Hvernig leiðtogar Facebook börðust í gegnum krísu“. Þar er því haldið fram að Mark Zucerberg og Cheryl Sandberg, æðstu leiðtogar Facebook, hafi hundsað viðvaranir um áróður á Facebook og svo reynt að fela vísbendingar. Sérstaklega er nefnt þegar Zuckerberg sagði um haustið 2016 að það væri „klikkað“ að gefa í skyn að verið væri að nota Facebook til að hjálpa Trump að vinna kosningarnar. Blaðamenn NYT segja forsvarsmenn Facebook hafa vitað að svo væri raunin þegar Zuckerberg hélt þessu fram. Fyrrverandi öryggisstjóri Facebook, Alex Stamos, hafði þá verið að safna gögnum um aðgerðir Rússa í minnst ár. Hann er sagður hafa sagt stjórnarmeðlimum Facebook frá gögnunum sem um ræðir á fundi. Sandberg er sögð hafa orðið verulega reið og sakaði hún Stamos um að hafa kastað sér og Zuckerberg „undir rútuna“.Cheryl Sandberg, þegar hún var kölluð fyrir þingnefnd fyrr á árinu til að svara spurningum þingmanna um áróður á Facebook.Getty/Drew AngererSandberg og aðrir voru á móti því að gera niðurstöður Facebook opinberar af ótta við að Repúblikanar tækju því sem að Facebook hefði tekið stöðu með Demókrötum. Skömmu áður höfðu leyniþjónustur Bandaríkjanna opinberað þær niðurstöður að Vladimir Pútín, forseti Rússlands, hefði persónulega fyrirskipað áróðursherferð með því markmiði að hjálpa Trump að vinna kosningarnar. Svo bættist á vandræði fyrirtækisins þegar ljóst varð að Cambridge Analytica hefði komið höndum yfir persónuupplýsingar tuga milljóna notenda Facebook, með því að fara fram hjá reglum Facebook, og notað þau til að kosningabaráttunnar fyrir hönd Trump. Eftir það segir í grein NYT að Facebook hafi gripið til árása. Definers Public Affairs, sem sérhæfir sig í að rannsaka pólitíska andstæðinga skjólstæðinga sinna, var ráðið til að grafa undan aðilum sem voru að gagnrýna og mótmæla Facebok. Fyrirtækið bendlaði einhverja af þessum aðilum við auðjöfurinn George Soros. Facebook réð gamla refi úr stjórnmálunum í Bandaríkjunum til að tala máli þeirra í Washington og Definers dældi út neikvæðum fréttum um samkeppnisaðila Facebook eins og Google og Apple, sem reglulega voru einnig skrifaðar af miðlum eins og Breitbart.Segja greinina ónákvæma en ekki af hverju Eins og áður segir halda forsvarsmenn Facebook því fram að grein NYT sé ónákvæm, án þess þó að fara út í hvað sé ónákvæmt í greininni, og í yfirlýsingunni segir einnig að Facebook hafi lengi tekið áróður Rússa og annarra alvarlega. Starfsmönnum fyrirtækisins væri alvara að berjast af hörku gegn svokölluðum falsfréttum og annars konar misnotkun á samfélagsmiðlinum. Í yfirlýsingunni er viðurkennt að fyrirtækið hafi verið lengi að bregðast við en miklu hefði verið varið til að tryggja öryggi samfélagsmiðilsins og í að berjast gegn áróðri. Þar segir einnig að Facebook hafi slitið samstarfi sínu við Definers en ekki er heldur farið nánar út í það. Forsvarsmenn Facebook hafa á undanförnum mánuðum og jafnvel árum ítrekað verið á hælunum gagnvart ýmsum ásökunum gegn fyrirtækinu og hneykslismálum. Stemningin innan veggja fyrirtækisins mun sjaldan hafa verið verri, samkvæmt fjölmiðlum í Bandaíkjunum. CNBC segir innri könnun fyrirtækisins hafa sýnt fram á að einungis 52 prósent starfsmanna Facebook séu vongóðir varðandi framtíð fyrirtækisins. Hlutfallið var 84 prósent í fyrra. þá sögðust 70 prósent vera stolt af vinnu sinni, samanborið við 87 prósent í fyrra.This story has been 6 months in the making. It started with a question: What happened inside Facebook over the last 3 years, and what did top executives, Mark Zuckerberg and Sheryl Sandberg, do in the wake of crisis after crisis battering the company? https://t.co/N6kaDNqfj6— Sheera Frenkel (@sheeraf) November 14, 2018 Bandaríkin Donald Trump Facebook Mest lesið Kona réðst að sjö ára dreng við Smáraskóla Innlent Eiginmaður íslenskrar konu lét sig hverfa rétt eftir brúðkaupið Innlent „Það er ódýrast og best og fljótlegast að kála þessum dýrum“ Innlent Hafa „góða hugmynd“ hvar og hvenær stúlkunni var ráðinn bani Innlent Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Skerjafjarðarskáldið krefst afsökunarbeiðni – annars fer það í mál Innlent Yazan afar létt að vera ekki vísað frá landi Innlent Kona á níræðisaldri sá björninn í þriggja metra fjarlægð Innlent Fleiri fréttir Útskrifuð af sjúkrahúsi með hálskraga Felldu einn af leiðtogum Hezbollah Sýndu fyrstu myndböndin í dómsal Hnífjafnt á landsvísu en Harris með forskot í Pennsylvaníu Fógeti skaut dómara Títan bilaði og lenti í árekstri nokkrum dögum fyrir hinstu förina Íbúar Springfield klofnir í afstöðu sinni til heimsóknar Trump Ísraelar gera umfangsmiklar loftárásir á skotmörk í Líbanon Frambjóðandi Trump lýsti sér sem „svörtum nasista“ á klámsíðu Hafa séð Hezbollah fyrir símboðum í tvö ár Gera umfangsmiklar árásir í Líbanon Felldu tugi og brenndu forsetaflugvélina Reyna að stöðva olíuleka eftir að skip sökk við Grænland Neyðarástand vegna skógarelda í Portúgal Margrét Þórhildur á sjúkrahúsi Átta ára tók fjölskyldubílinn, ók í Target og fékk sér frappó Tuttugu konur saka Mohamed Al Fayed um kynferðisofbeldi 20 létust og 450 slösuðust þegar talstöðvarnar sprungu Vitorðsmaður viðurkennir að hafa gert það sama og Pelicot Þrír handteknir eftir skotárás við skóla í Osló Talstöðvar springa einnig í Beirút Harris eykur forskotið á landsvísu Þverár Amasonfljóts þorna upp sem aldrei fyrr Símboðarnir sagðir koma frá ungversku skúffufélagi Meta úthýsir rússneskum ríkisfjölmiðlum Stærðarinnar sprengingar í vopnageymslu í Rússlandi Telur að hægt hefði verið að koma í veg fyrir kafbátsslysið Microsoft segir rússneskt tröllabú á bak við falsáróður um Harris Neitað um lausn gegn tryggingu og á yfir höfði sér lífstíðarfangelsi 169 börn sem fæddust eftir 7. október á lista yfir látnu Sjá meira
Forsvarsmenn Facebook segjast ekki hafa reynt að afvegaleiða almenning í tengslum við áróðursherferð Rússa á samfélagsmiðli fyrirtækisins í aðdraganda forsetakosninganna í Bandaríkjunum 2016. Því er haldið fram í umfangsmikilli grein New York Times, þar sem einnig er sagt frá því að fyrirtækið hafi notað þjónustu ráðgjafafyrirtækis sem stýrt er af íhaldsmönnum til að veitast að aðilum sem gagnrýndu Facebook og þá jafnvel með rasískum árásum. Fyrirtækið segir frétt New York Times vera ónákvæma en hefur þó slitið tengslum sínum við áðurnefnt ráðgjafafyrirtæki sem heitir Definers Public Affairs. Blaðamenn New York Times tóku viðtöl við rúmlega 50 manns við gerð fréttarinnar og tók vinnan um hálft ár. Meðal þeirra sem rætt var við voru núverandi og fyrrverandi framkvæmdastjórar og starfsmenn Facebook, þingmenn, embættismenn og fleiri. Flestir þeirra ræddu við blaðamennina undir nafnleynd þar sem margir höfðu skrifað undir þagnarsamkomulag og aðrir óttuðust refsingar. Greinin sem varð úr þessum viðtölum kallast; „Delay, Deny and Deflect: How Facbook‘s Leaders Fought Through Crisis“, sem lauslega þýtt er „Tefja, neita og afvegaleiða: Hvernig leiðtogar Facebook börðust í gegnum krísu“. Þar er því haldið fram að Mark Zucerberg og Cheryl Sandberg, æðstu leiðtogar Facebook, hafi hundsað viðvaranir um áróður á Facebook og svo reynt að fela vísbendingar. Sérstaklega er nefnt þegar Zuckerberg sagði um haustið 2016 að það væri „klikkað“ að gefa í skyn að verið væri að nota Facebook til að hjálpa Trump að vinna kosningarnar. Blaðamenn NYT segja forsvarsmenn Facebook hafa vitað að svo væri raunin þegar Zuckerberg hélt þessu fram. Fyrrverandi öryggisstjóri Facebook, Alex Stamos, hafði þá verið að safna gögnum um aðgerðir Rússa í minnst ár. Hann er sagður hafa sagt stjórnarmeðlimum Facebook frá gögnunum sem um ræðir á fundi. Sandberg er sögð hafa orðið verulega reið og sakaði hún Stamos um að hafa kastað sér og Zuckerberg „undir rútuna“.Cheryl Sandberg, þegar hún var kölluð fyrir þingnefnd fyrr á árinu til að svara spurningum þingmanna um áróður á Facebook.Getty/Drew AngererSandberg og aðrir voru á móti því að gera niðurstöður Facebook opinberar af ótta við að Repúblikanar tækju því sem að Facebook hefði tekið stöðu með Demókrötum. Skömmu áður höfðu leyniþjónustur Bandaríkjanna opinberað þær niðurstöður að Vladimir Pútín, forseti Rússlands, hefði persónulega fyrirskipað áróðursherferð með því markmiði að hjálpa Trump að vinna kosningarnar. Svo bættist á vandræði fyrirtækisins þegar ljóst varð að Cambridge Analytica hefði komið höndum yfir persónuupplýsingar tuga milljóna notenda Facebook, með því að fara fram hjá reglum Facebook, og notað þau til að kosningabaráttunnar fyrir hönd Trump. Eftir það segir í grein NYT að Facebook hafi gripið til árása. Definers Public Affairs, sem sérhæfir sig í að rannsaka pólitíska andstæðinga skjólstæðinga sinna, var ráðið til að grafa undan aðilum sem voru að gagnrýna og mótmæla Facebok. Fyrirtækið bendlaði einhverja af þessum aðilum við auðjöfurinn George Soros. Facebook réð gamla refi úr stjórnmálunum í Bandaríkjunum til að tala máli þeirra í Washington og Definers dældi út neikvæðum fréttum um samkeppnisaðila Facebook eins og Google og Apple, sem reglulega voru einnig skrifaðar af miðlum eins og Breitbart.Segja greinina ónákvæma en ekki af hverju Eins og áður segir halda forsvarsmenn Facebook því fram að grein NYT sé ónákvæm, án þess þó að fara út í hvað sé ónákvæmt í greininni, og í yfirlýsingunni segir einnig að Facebook hafi lengi tekið áróður Rússa og annarra alvarlega. Starfsmönnum fyrirtækisins væri alvara að berjast af hörku gegn svokölluðum falsfréttum og annars konar misnotkun á samfélagsmiðlinum. Í yfirlýsingunni er viðurkennt að fyrirtækið hafi verið lengi að bregðast við en miklu hefði verið varið til að tryggja öryggi samfélagsmiðilsins og í að berjast gegn áróðri. Þar segir einnig að Facebook hafi slitið samstarfi sínu við Definers en ekki er heldur farið nánar út í það. Forsvarsmenn Facebook hafa á undanförnum mánuðum og jafnvel árum ítrekað verið á hælunum gagnvart ýmsum ásökunum gegn fyrirtækinu og hneykslismálum. Stemningin innan veggja fyrirtækisins mun sjaldan hafa verið verri, samkvæmt fjölmiðlum í Bandaíkjunum. CNBC segir innri könnun fyrirtækisins hafa sýnt fram á að einungis 52 prósent starfsmanna Facebook séu vongóðir varðandi framtíð fyrirtækisins. Hlutfallið var 84 prósent í fyrra. þá sögðust 70 prósent vera stolt af vinnu sinni, samanborið við 87 prósent í fyrra.This story has been 6 months in the making. It started with a question: What happened inside Facebook over the last 3 years, and what did top executives, Mark Zuckerberg and Sheryl Sandberg, do in the wake of crisis after crisis battering the company? https://t.co/N6kaDNqfj6— Sheera Frenkel (@sheeraf) November 14, 2018
Bandaríkin Donald Trump Facebook Mest lesið Kona réðst að sjö ára dreng við Smáraskóla Innlent Eiginmaður íslenskrar konu lét sig hverfa rétt eftir brúðkaupið Innlent „Það er ódýrast og best og fljótlegast að kála þessum dýrum“ Innlent Hafa „góða hugmynd“ hvar og hvenær stúlkunni var ráðinn bani Innlent Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Skerjafjarðarskáldið krefst afsökunarbeiðni – annars fer það í mál Innlent Yazan afar létt að vera ekki vísað frá landi Innlent Kona á níræðisaldri sá björninn í þriggja metra fjarlægð Innlent Fleiri fréttir Útskrifuð af sjúkrahúsi með hálskraga Felldu einn af leiðtogum Hezbollah Sýndu fyrstu myndböndin í dómsal Hnífjafnt á landsvísu en Harris með forskot í Pennsylvaníu Fógeti skaut dómara Títan bilaði og lenti í árekstri nokkrum dögum fyrir hinstu förina Íbúar Springfield klofnir í afstöðu sinni til heimsóknar Trump Ísraelar gera umfangsmiklar loftárásir á skotmörk í Líbanon Frambjóðandi Trump lýsti sér sem „svörtum nasista“ á klámsíðu Hafa séð Hezbollah fyrir símboðum í tvö ár Gera umfangsmiklar árásir í Líbanon Felldu tugi og brenndu forsetaflugvélina Reyna að stöðva olíuleka eftir að skip sökk við Grænland Neyðarástand vegna skógarelda í Portúgal Margrét Þórhildur á sjúkrahúsi Átta ára tók fjölskyldubílinn, ók í Target og fékk sér frappó Tuttugu konur saka Mohamed Al Fayed um kynferðisofbeldi 20 létust og 450 slösuðust þegar talstöðvarnar sprungu Vitorðsmaður viðurkennir að hafa gert það sama og Pelicot Þrír handteknir eftir skotárás við skóla í Osló Talstöðvar springa einnig í Beirút Harris eykur forskotið á landsvísu Þverár Amasonfljóts þorna upp sem aldrei fyrr Símboðarnir sagðir koma frá ungversku skúffufélagi Meta úthýsir rússneskum ríkisfjölmiðlum Stærðarinnar sprengingar í vopnageymslu í Rússlandi Telur að hægt hefði verið að koma í veg fyrir kafbátsslysið Microsoft segir rússneskt tröllabú á bak við falsáróður um Harris Neitað um lausn gegn tryggingu og á yfir höfði sér lífstíðarfangelsi 169 börn sem fæddust eftir 7. október á lista yfir látnu Sjá meira