Ekkert mark var skorað í leik Manchester United og Valencia í Meistaradeild Evrópu en leikið var á Old Trafford í kvöld.
Það er því ljóst að vandræði United halda áfram. Liðið skapaði sér lítið af færum í kvöld og besta færið fékk Romelu Lukaku í síðari hálfleik en skot hans var varið.
Marcus Rashford átti svo gott skot í slá í síðari hálfleik úr aukaspyrnu úr þröngu færi en Valencia átti fá sem engin færi. Lokatölur því markalaust jafntefli.
United er því með fjögur stig eftir fyrstu tvo leikina í riðlinum en Juventus er á toppnum með sex stig. Valencia er með eitt stig eftir tap gegn Juventus í fyrstu umferðinni.
United fær stórleik í næstu umferð Meistaradeildarinnar en þeir spila gegn Juventus á heimavelli eftir þrjár vikur.
Stjarnan
KR
