Hundruð dæma um launaþjófnað á ári hverju

Samninganefnd Eflingar Stéttarfélags stóð fyrir fundi í Gerðubergi í Breiðholti í dag um launaþjófnað í hótel- og veitingageiranum.

Ingólfur Björgvin Jónsson, þjónustufulltrúi hjá kjarasviði Eflingar, segir mál af þeim toga skipta hundruðum. Algengt sé að starfsfólk sé svikið um laun og að atvinnurekendur haldi upplýsingum um réttindi þeirra markvisst frá þeim. 

„Þau telja hunsruði mála sem koma inn á borð til okkar árlega,“ segir Ingólfur, „Þessu mál eru þá launaþjófnaður þar sem verið er að borga jafnaðarkaup en ekki dagvinnu og yfirvinnu eða að vaktarálögin séu greidd. Þá er oft kki ráðningarsamningur til staðar sem er krafa um í kjarasamningi. Þetta eru svona helstu málin sem koma inn til okkar varðandi hótel- og veitingageirann.“

Kristýna Králová kom til Íslands frá Tékklandi árið 2015 til að vinna á Hotel Adam í miðborg Reykjavíkur. Í sumar dæmdi Héraðsdsdómur Reykjavíkur eiganda hótelsins til að greiða henni 2,3 milljónir vegna vangoldinna launa. 

Sjá: „Hótel Adam greiði starfsmanni 2,3 milljónir vegna vangoldinna launa.“

Hún lýsti reynslu sinni af launaþjófnaði á fundinum í dag og segir það mikilvægt að hafa notið liðsinnis stéttarfélagsins til að taka slaginn.

„Ég fékk upplýsingar um hvert ég gat leitað og fékk stuðning frá Eflingu,“ segir Krystýna. „Ég stóð frammi fyrir tveimur valkostum. Að gefast upp og fara aftur heim me ekkert á milli handann og slæma reynslu eða að standa í lappirnar og gera eitthvað í málunum sem ég gerði og það endaði á jákvæðan hátt fyrir mig.“

Hún hvetur aðra sem upplifa sig í sambærilegri stöðu á vinnumarkaði til að hika ekki við að leita réttar síns.

„Ekki vera hrædd, berjist fyrir réttindum ykkar. Þið getið fengið aðstoð, það er allt mögulegt, þú getur unnið og fengið það sem þú átt verðskuldað,“ segir hún.