„Sveitt og stressuð“ Cardi B kom fram á fyrstu tónlistarhátíðinni eftir fæðingu dóttur sinnar

Rapparinn Cardi B kom fram á Global Citizen hátíðinni í New York í gær og var það í fyrsta sinn sem hún kemur fram opinberlega á tónlistarhátíð eftir fæðingu dóttur sinnar. Cardi og rapparinn Offset eignuðust dótturina Kulture í júlí síðastliðnum.

Á tónleikunum sagðist Cardi vera „sveitt og stressuð“  en það var ekki að sjá á henni og stóð hún sig með stakri prýði. Þá biðlaði hún til aðdáenda sinna á Instagram að láta verkin tala og gera það sem í valdi þeirra stæði til þess að gera heiminn að betri stað.

 

 

 

View this post on Instagram

On my way to GLOBAL CITIZEN CONCERT !!!LETS CHANGE THE WORLD ONE DAY AT A TIME !!!who in there ?

A post shared by CARDIVENOM (@iamcardib) on Sep 29, 2018 at 1:05pm PDT

Rapparinn átti að koma fram með Bruno Mars á tónleikaferðalagi hans sem stendur nú yfir en hætti við það eftir að hún varð móðir og sagðist hafa vanmetið hversu mikill tími fer í fjölskylduna. Þá hafa margir gagnrýnt hana fyrir þá ákvörðun eftir að hún kom fram á hátíðinni í gær en sjálf segir hún mikinn mun vera á því að koma fram á einni tónlistarhátíð samanborið við heilt tónleikaferðalag.

Þrátt fyrir að hafa dregið úr tónleikahaldi eftir fæðinguna hefur hún ekki verið fjarri sviðsljósinu. Á tískuvikunni í New York lenti hún í útistöðum við rapparann Nicki Minaj eftir að Cardi sakaði Minaj um að tala illa um dóttur sína.

Hér að neðan má sjá brot frá tónleikunum.