Fylgir þjálfaranum úr Hveragerði í Kópavog

Körfuknattleiksmaðurinn Þorgeir Freyr Gíslason er genginn til liðs við nýliða Breiðabliks í Dominos-deildinni en hann kemur til liðsins frá Hamri í Hveragerði þar sem hann var í lykilhlutverki í 1.deildinni á síðustu leiktíð.

Hann fylgir þar með Pétri Ingvarssyni sem þjálfaði Hamar á síðustu leiktíð en er nú tekinn við Blikum.

Þetta kemur fram í tilkynningu frá Kópavogsliðinu en í gær var greint frá komu Þorsteins Finnbogasonar sem kemur til nýliðanna frá Grindavík.

Blikar hafa verið duglegir að sanka að sér leikmönnum í sumar því auk þessa tveggja hafa þeir fengið Arnór Hermannsson, Hilmar Pétursson, Snorra Hrafnkelsson og Bjarna Geir Gunnarsson til liðs við sig.