Sigurður Gunnar í ÍR

Sigurður Gunnar Þorsteinsson hefur gert samning við ÍR í Dominos-deild karla um að leika með liðinu á næstu leiktíð. Karfan greinir frá.

Greint var frá því eftir síðustu leiktíð að Sigurður Gunnar yrði ekki áfram í Grindavík þar sem hann lék á síðasta tímabili en nú hefur hann skrifað undir hjá ÍR.

Á síðustu leiktíð var hann með þrettán stig, níu fráköst og þrjár stoðsendingar. Hann var tíundi framlagshæsti leikmaður deildarinnar með rúm 20 framlagsstig.

ÍR endaði í öðru sæti í deildarkeppninni á síðustu leiktíð og datt síðan út fyrir Tindastól í undanúrslitum deildarinnar, 3-1.