Valsarar komnir með Kana

Bandaríkjamaðurinn Miles Wright mun leika með Val í Dominos deild karla á komandi leiktíð.

Wright er 22 ára gamall og getur leikið jafnt sem bakvörður eða framherji. Hann kemur beint úr háskólaboltanum vestanhafs þar sem hann hefur spilað með Dartmouth háskólanum undanfarin fjögur ár.

Valur hafnaði í 10.sæti Dominos deildarinnar á síðustu leiktíð en þá voru þeir nýliðar. Ágúst Björgvinsson mun halda áfram að þjálfa liðið og hefur sótt liðsstyrk í þeim Oddi Rúnari Kristjánssyni og Ragnari Nathanaelssyni í sumar.

Valur birtir myndband með helstu tilþrifum Wright úr háskólaboltanum. Myndbandið má sjá neðst í fréttinni.