Viðreisn og Miðflokkurinn sigurvegarar að mati stjórnmálafræðings

Tuttugu og sjö flokkar buðu fram í fyrsta skipti í sveitarstjórnarkosningunum um helgina en af þeim náðu átján flokkar inn fjörutíu og fimm kjörnum fulltrúum.

Eva Marín Hlynsdóttir lektor í stjórnmálafræði við Háskóla Íslands segir að mun fleiri hafi komið fram nú en áður.

„Það eru fleiri aðilar en áður sem telja að þeirra skoðanir komist ekki að og stofna nýja flokka til að koma þeim á framfæri. Þá virðast flest framboðin sem bjóða fram utan Reykjavíkur vera að komast inn,“ segir Eva Marín.  

Viðreisn bauðí fyrsta skipti fram á Höfuðborgarsvæðinu og náði alls staðar inn fólki þar sem flokkurinn bauð fram eða í Reykjavík, Kópavogi þar sem flokkurinn bauð fram með Bjartri framtíð, Hafnarfirði, Mosfellsbæ og á Seltjarnarnesi þar sem flokkurinn bauð fram með Neslistanum. Miðflokkurinn bauð fram í tólf sveitarfélögum og fékk níu menn kjörna í níu sveitarfélögum. Þrjá á höfuðborgarsvæðinu og sex á landsbyggðinni.

Eva Marín segir þessa tvo flokka sigurvegara sveitarstjórnarkosninganna.

„Bæði Miðflokkurinn og Viðreisn eru að styrkja sig og eru að koma þarna ný inn á þetta svið með töluverðu trukki. En auðvitað getur maður líka fariðút í það að Samfylkingin er að ná betri árangri í sveitarstjórnarkosningunum núna en í landsmálunum í haust,“ segir Eva.     

Ný framboð í sveitarstjórnarkosningum 2018:

REYKJAVÍK

11 framboð buðu fram í fyrsta skipti í Reykjavík, af þeim komu fjórir flokkar inn fimm mönnum. Viðreisn 2, Sósíalistaflokkur Íslands 1, Flokkur fólksins 1, Miðflokkurinn 1.  

Íslenska þjóðfylkingin, Höfuðborgarlistinn, Kvennahreyfinginn, Borgin okkar, Alþýðufylkingin, Karlalistinn, Frelsisflokkurinn

KÓPAVOGUR

4 framboð buðu í fyrsta skipti fram í Kópavogi af þeim kom einn flokkur inn tveimur mönnum.

Viðreisn 2.

Sósíalistaflokkur Íslands, Fyrir Kópavog, Miðflokkurinn

HAFNARFJÖRÐUR

3 framboð buðu fram í fyrsta skipti og þeir komu inn einum manni hver.

Viðreisn 1, Bæjarlistinn 1, Miðflokkurinn 1.

AKUREYRI

2 framboð buðu fram í fyrsta skipti og náði annað inn manni.

Miðflokkurinn 1.

Píratar

REYKJANESBÆR

2 framboð buðu fram í fyrsta skipti og náði annað þeirra inn manni.

Miðflokkurinn 1.

Vinstri græn

GARÐABÆR

2 framboð buðu í fyrsta skipti fram í Garðabæ og náði annað þeirra inn þremur mönnum.

Garðabæjarlistinn 3.

Miðflokkurinn

MOSFELLSBÆR

3 framboð buðu í fyrsta skipti fram og þau komu öll inn manni.

Viðreisn 1, Vinir Mosfellsbæjar 1, Miðflokkurinn 1.

ÁRBORG

2 framboð buðu í fyrsta skipti fram og komu bæði inn manni.

Áfram Árborg 1, Miðflokkurinn 1.

AKRANES

1 bauð fram í fyrsta skipti og fékk ekki mann.

Miðflokkurinn.

FJARÐABYGGÐ

1 flokkur í fyrsta skipti og fékk 1 mann.

Miðflokkurinn 1.

SELTJARNARNES

1 bauð fram í fyrsta skipti og fékk ekki mann. En eitt framboð Viðreisn/Neslistinn og fékk 1 mann

Viðreisn/Neslistinn 1.

Fyrir Seltjarnarnes

VESTMANNEYJAR

1 flokkur bauð fram í fyrsta skipti og fékk þrjá menn kjörna.

Fyrir Heimaey 3.

SKAGAFJÖRÐUR

1 flokkur bauð í fyrsta skipti fram og fékk tvo menn kjörna.

Byggðalistinn 2.

ÍSAFJARÐARBÆR Ekkert nýtt framboð.  

BORGARBYGGÐ Ekkert nýtt framboð

FLJÓTSDALSHÉRAÐ

1 framboð í fyrsta skipti og einn maður kjörinn.

Miðflokkurinn 1.

SANDGERÐI OG GARÐUR

2 framboð í fyrsta skipti og bæði náðu inn fólki.

Listi fólksins 2, Jákvætt samfélag 3.

GRINDAVÍKURBÆR

2 framboð í fyrsta skipti og einn maður kjörinn.

Miðflokkurinn 1, Rödd unga fólksins 1.

NORÐURÞING 1 framboð í fyrsta skipti og einn maður kjörinn.

Listi samfélagsins 1.

HVERAGERÐI

1 framboð í fyrsta skipti og tveir kjörnir.

Okkar Hveragerði 2.

FJALLABYGGÐ

2 framboð í fyrsta skipti fengu tvo kjörna hver.

Fyrir heildina 2, Betri Fjallabyggð 2.

HORNAFJÖRÐUR

Ekkert nýtt framboð

ÖLFUS 1 framboð í fyrsta skipti fékk þrjá kjörna.

Framfarasinnar & félagshyggjufólk 3.