Göturnar í tónlistinni Stefán Þór Hjartarson skrifar 10. apríl 2018 05:15 Það er ávallt ys og læti í Austurstræti og ekki að furða að menn semji lög um þessa fallegu götu. Vísir/GVA Um daginn sendi Emmsjé Gauti frá sér lagið Lágmúli ásamt rapparanum Birni. Lagið fjallar, að einhverju leyti, um samnefnda götu með sérstakri tilvísun í Snóker- og poolstofuna sem er þar til húsa í númer fimm. Það er ekki oft sem lög eru tileinkuð götum í íslenskri dægurtónlist, miklu frekar eru heilu bæjarfélögin nefnd eða jafnvel einstök hverfi lofsömuð. XXX Rottweiler hundar hafa til að mynda minnst nokkrum sinnum á Árbæinn, en það hverfi var í árdaga rapptónlistar á Íslandi nokkuð vinsælt yrkisefni, enda virtust margir úr því blessaða hverfi leiðast út í rappið. Einnig hefur Blaz Roca verið duglegur að tala um Kópavoginn, en það hefur lærisveinn hans, Herra Hnetusmjör, einnig verið.Meistari Laddi Eitt frægasta lag Ladda var Austurstræti, en það fjallar þráðbeint um þessa stórskemmtilegu götu þar sem, eins og Laddi nefnir svo réttilega í laginu, er alltaf ys og læti. Eitthvað er reyndar búið að fækka þessum bönkum sem hann talar um en hins vegar má líklega enn finna þar „lassaróna“ og „snobbaðar kerlingar“. Talandi um Ladda, þá á hann einnig lagið Upp undir Laugarásnum, þar sem hann fjallar um „eitt lítið kot“ sem hann á þar í hverfinu. Yfir textanum er hógvær blær þó að hann lýsi þvílíku ríkidæmi sem megi finna í „kotinu“ – tennisvöllur á þakinu, sautján salerni, fatageymsla full af kamel- og kattaskinnsklæddum flíkum. Laugarásinn var auðvitað, og er enn, heimili efnaðri íbúa borgarinnar, en það grínast meistari Laddi með í þessu lagi eins og honum einum er lagið.Borgarskáldið Tómas Guðmundsson orti auðvitað talsvert um Reykjavík og ber kannski hæst þegar hann gefur skít í Forboðnu borgina í Kína í samanburði við vorkvöld í Vesturbænum í gríðarlega rómantísku ljóði. Hann skrifaði einnig Fyrir átta árum sem Haukur Morthens söng eftirminnilega og er svo gríðarlega sorglegt að það er erfitt að rifja það hér upp. Ljóðið gerist við Laufásveginn og Fríkirkjuna, það ægifagra svæði í Reykjavík sem fleiri hafa gert sér mat úr.Fröken Reykjavík borðar gyros Lag sem margir hafa spreytt sig á, og þarna förum við á kunnuglegar slóðir – jú, Austurstræti og Tjörnin, svipaðar slóðir og Laddi og Tómas voru á. Persónugerving Reykjavíkur trítlar um á þessum slóðum, íbúum úthverfanna líklega til mikillar mæðu – af hverju sér ljóðmælandi hana ekki á röltinu í Fellunum eða að koma út af gríska veitingastaðnum í Spönginni?Aðalgata Ameríku KK söng eftirminnilega um Þjóðveg 66 á sínum tíma. Annað gríðarlega sorglegt lag og í þetta sinn um fátækt fólk í Ameríku á vesturleið. The King Cole Trio, hljómsveit Nats King Cole, flutti lag Bobby Troup um sama þjóðveg árið 1946 en þessi sögufrægi vegur hefur verið kallaður Aðalgata Ameríku eða „the Mother Road“. Vegurinn liggur þvert yfir Bandaríkin og er hvorki meira né minna en tæpir 4.000 km að lengd, byrjar í Chicago og endar í Santa Monica í Kaliforníu.Brúsi frændi Fyrst við erum komin til Bandaríkjanna, þar sem hafa verið ótal lög um hinar og þessar götur, enda nóg af þeim í því landi, má nefna að eitt helsta, og mögulega besta, lagið um amerískar götur hlýtur að vera Streets of Philadelphia með Bruce Springsteen en auk þess er myndbandið alveg ótrúlegt.Gátan um OK Computer ráðin Frægustu götur tónlistarsögunnar eru svo líklega annars vegar Penny Lane og hins vegar Abbey Road, gerðar frægar af Bítlunum. Svo er kannski rétt, svona í lokin, að minnast á götuna á plötuumslagi OK Computer með Radiohead, en glöggur aðdáandi sveitarinnar telur að um sé að ræða gatnamót nokkur í Connecticut-ríki, nánar tiltekið í borginni Hartford, en þarna mætast hraðbrautir númer 84 og 91. Stórkostlegur staður.Detta þér í hug fleiri lög um götur? Við hvetjum lesendur til að bæta við listann í athugasemdum. Birtist í Fréttablaðinu Tónlist Mest lesið Ekki allt sem sýnist í Coldplay-skandalnum Lífið Í þrjátíu ára gömlum fötum af mömmu Tíska og hönnun Unnsteinn Manuel og Ágústa selja hvíta miðbæjarperlu Lífið Endurheimti lífsgleðina við gerð ostabakkanna Lífið Umdeild mormónadrottning nýja piparjónkan Lífið Ástrós Trausta, John Legend og Bæjarins Beztu í Kjós Lífið Leikari, óperusöngvarar og sjómaður vilja stýra óperunni Menning Leifur Andri og Hugrún selja íbúðina í Garðabæ Lífið Tískan við þingsetningu: Þjóðlegur þriðjudagur Tíska og hönnun Á leið á heimsmeistaramót í drifti: „Íslendingarnir eru til, við getum þetta líka“ Lífið Fleiri fréttir „Pabbi minn gaf okkur saman“ Litrík og ljúffeng búddaskál Unnsteinn Manuel og Ágústa selja hvíta miðbæjarperlu Ekki allt sem sýnist í Coldplay-skandalnum Umdeild mormónadrottning nýja piparjónkan Leifur Andri og Hugrún selja íbúðina í Garðabæ Á leið á heimsmeistaramót í drifti: „Íslendingarnir eru til, við getum þetta líka“ Endurheimti lífsgleðina við gerð ostabakkanna Ástrós Trausta, John Legend og Bæjarins Beztu í Kjós Afar ólíklegt að Ísland taki þátt í Eurovision verði Ísrael með Sunneva syrgir Bellu: „Ég mun alltaf sakna þín“ „Pabbi Rúríks“ lét sig ekki vanta Alveg sama þótt hann tapi mörgum milljónum „Þetta situr enn þá í mér í dag“ Jóhann Berg og Hólmfríður selja glæsihöllina á Arnarnesi Dóttir Arons Kristins og Láru komin með nafn Segist ekki dauður heldur „sprelllifandi“ Sonur Hersis og Rósu kominn með nafn Ástin kviknaði á Kaffibarnum Staðfesta þátttöku í Eurovision með fyrirvara um þátttöku Ísraela Heitustu trendin í haust „Ég elskaði þig í fyrra lífi, ég elska þig í þessu lífi og mun finna þig í næsta“ Sjarmerandi Vesturbæjarperla með sjávarútsýni Óvíst hvort Ísland verði með í Eurovision Guðrún Sørtveit og Steinar „loksins“ trúlofuð Skringilega stór kaffibolli: „Ég verð aldrei aftur hreinn“ Brúðarbíllinn gömul dráttarvél frá langafa Stjörnulífið: „Skemmtilegasta kvöld lífs míns“ Rick Davies í Supertramp er látinn Gleði og samvera í 60 plús leikfimi á Selfossi Sjá meira
Um daginn sendi Emmsjé Gauti frá sér lagið Lágmúli ásamt rapparanum Birni. Lagið fjallar, að einhverju leyti, um samnefnda götu með sérstakri tilvísun í Snóker- og poolstofuna sem er þar til húsa í númer fimm. Það er ekki oft sem lög eru tileinkuð götum í íslenskri dægurtónlist, miklu frekar eru heilu bæjarfélögin nefnd eða jafnvel einstök hverfi lofsömuð. XXX Rottweiler hundar hafa til að mynda minnst nokkrum sinnum á Árbæinn, en það hverfi var í árdaga rapptónlistar á Íslandi nokkuð vinsælt yrkisefni, enda virtust margir úr því blessaða hverfi leiðast út í rappið. Einnig hefur Blaz Roca verið duglegur að tala um Kópavoginn, en það hefur lærisveinn hans, Herra Hnetusmjör, einnig verið.Meistari Laddi Eitt frægasta lag Ladda var Austurstræti, en það fjallar þráðbeint um þessa stórskemmtilegu götu þar sem, eins og Laddi nefnir svo réttilega í laginu, er alltaf ys og læti. Eitthvað er reyndar búið að fækka þessum bönkum sem hann talar um en hins vegar má líklega enn finna þar „lassaróna“ og „snobbaðar kerlingar“. Talandi um Ladda, þá á hann einnig lagið Upp undir Laugarásnum, þar sem hann fjallar um „eitt lítið kot“ sem hann á þar í hverfinu. Yfir textanum er hógvær blær þó að hann lýsi þvílíku ríkidæmi sem megi finna í „kotinu“ – tennisvöllur á þakinu, sautján salerni, fatageymsla full af kamel- og kattaskinnsklæddum flíkum. Laugarásinn var auðvitað, og er enn, heimili efnaðri íbúa borgarinnar, en það grínast meistari Laddi með í þessu lagi eins og honum einum er lagið.Borgarskáldið Tómas Guðmundsson orti auðvitað talsvert um Reykjavík og ber kannski hæst þegar hann gefur skít í Forboðnu borgina í Kína í samanburði við vorkvöld í Vesturbænum í gríðarlega rómantísku ljóði. Hann skrifaði einnig Fyrir átta árum sem Haukur Morthens söng eftirminnilega og er svo gríðarlega sorglegt að það er erfitt að rifja það hér upp. Ljóðið gerist við Laufásveginn og Fríkirkjuna, það ægifagra svæði í Reykjavík sem fleiri hafa gert sér mat úr.Fröken Reykjavík borðar gyros Lag sem margir hafa spreytt sig á, og þarna förum við á kunnuglegar slóðir – jú, Austurstræti og Tjörnin, svipaðar slóðir og Laddi og Tómas voru á. Persónugerving Reykjavíkur trítlar um á þessum slóðum, íbúum úthverfanna líklega til mikillar mæðu – af hverju sér ljóðmælandi hana ekki á röltinu í Fellunum eða að koma út af gríska veitingastaðnum í Spönginni?Aðalgata Ameríku KK söng eftirminnilega um Þjóðveg 66 á sínum tíma. Annað gríðarlega sorglegt lag og í þetta sinn um fátækt fólk í Ameríku á vesturleið. The King Cole Trio, hljómsveit Nats King Cole, flutti lag Bobby Troup um sama þjóðveg árið 1946 en þessi sögufrægi vegur hefur verið kallaður Aðalgata Ameríku eða „the Mother Road“. Vegurinn liggur þvert yfir Bandaríkin og er hvorki meira né minna en tæpir 4.000 km að lengd, byrjar í Chicago og endar í Santa Monica í Kaliforníu.Brúsi frændi Fyrst við erum komin til Bandaríkjanna, þar sem hafa verið ótal lög um hinar og þessar götur, enda nóg af þeim í því landi, má nefna að eitt helsta, og mögulega besta, lagið um amerískar götur hlýtur að vera Streets of Philadelphia með Bruce Springsteen en auk þess er myndbandið alveg ótrúlegt.Gátan um OK Computer ráðin Frægustu götur tónlistarsögunnar eru svo líklega annars vegar Penny Lane og hins vegar Abbey Road, gerðar frægar af Bítlunum. Svo er kannski rétt, svona í lokin, að minnast á götuna á plötuumslagi OK Computer með Radiohead, en glöggur aðdáandi sveitarinnar telur að um sé að ræða gatnamót nokkur í Connecticut-ríki, nánar tiltekið í borginni Hartford, en þarna mætast hraðbrautir númer 84 og 91. Stórkostlegur staður.Detta þér í hug fleiri lög um götur? Við hvetjum lesendur til að bæta við listann í athugasemdum.
Birtist í Fréttablaðinu Tónlist Mest lesið Ekki allt sem sýnist í Coldplay-skandalnum Lífið Í þrjátíu ára gömlum fötum af mömmu Tíska og hönnun Unnsteinn Manuel og Ágústa selja hvíta miðbæjarperlu Lífið Endurheimti lífsgleðina við gerð ostabakkanna Lífið Umdeild mormónadrottning nýja piparjónkan Lífið Ástrós Trausta, John Legend og Bæjarins Beztu í Kjós Lífið Leikari, óperusöngvarar og sjómaður vilja stýra óperunni Menning Leifur Andri og Hugrún selja íbúðina í Garðabæ Lífið Tískan við þingsetningu: Þjóðlegur þriðjudagur Tíska og hönnun Á leið á heimsmeistaramót í drifti: „Íslendingarnir eru til, við getum þetta líka“ Lífið Fleiri fréttir „Pabbi minn gaf okkur saman“ Litrík og ljúffeng búddaskál Unnsteinn Manuel og Ágústa selja hvíta miðbæjarperlu Ekki allt sem sýnist í Coldplay-skandalnum Umdeild mormónadrottning nýja piparjónkan Leifur Andri og Hugrún selja íbúðina í Garðabæ Á leið á heimsmeistaramót í drifti: „Íslendingarnir eru til, við getum þetta líka“ Endurheimti lífsgleðina við gerð ostabakkanna Ástrós Trausta, John Legend og Bæjarins Beztu í Kjós Afar ólíklegt að Ísland taki þátt í Eurovision verði Ísrael með Sunneva syrgir Bellu: „Ég mun alltaf sakna þín“ „Pabbi Rúríks“ lét sig ekki vanta Alveg sama þótt hann tapi mörgum milljónum „Þetta situr enn þá í mér í dag“ Jóhann Berg og Hólmfríður selja glæsihöllina á Arnarnesi Dóttir Arons Kristins og Láru komin með nafn Segist ekki dauður heldur „sprelllifandi“ Sonur Hersis og Rósu kominn með nafn Ástin kviknaði á Kaffibarnum Staðfesta þátttöku í Eurovision með fyrirvara um þátttöku Ísraela Heitustu trendin í haust „Ég elskaði þig í fyrra lífi, ég elska þig í þessu lífi og mun finna þig í næsta“ Sjarmerandi Vesturbæjarperla með sjávarútsýni Óvíst hvort Ísland verði með í Eurovision Guðrún Sørtveit og Steinar „loksins“ trúlofuð Skringilega stór kaffibolli: „Ég verð aldrei aftur hreinn“ Brúðarbíllinn gömul dráttarvél frá langafa Stjörnulífið: „Skemmtilegasta kvöld lífs míns“ Rick Davies í Supertramp er látinn Gleði og samvera í 60 plús leikfimi á Selfossi Sjá meira