Sóley Björk leiðir lista VG á Akureyri

Sóley Björk Stefánsdóttir bæjarfulltrúi leiðir lista Vinstri grænna á Akureyri fyrir komandi sveitarstjórnarkosningar. Tillaga uppstillingarnefndar að framboðslista flokksins var lagður fyrir félagsfund á  Akureyri í kvöld og var hann samþykktur.

„Ég er gríðalega ánægð með þennan lista því á honum er mjög reynslumikið fólk í bland við nýja þátttakendur. Sérstaklega er það ánægjulegt hversu margar ungar konur gáfu kost á sér og sóttust eftir sætum ofarlega á listann, það segir mér að kvennabyltingar undanfarinna mánaða og ára hvetji konur til að láta til skarar skríða. Karlar á öllum aldri og með fjölbreytta reynslu koma einnig sterkir inn og í raun alveg frábært, og þakkar vert, hversu mikið af hæfileikaríku fólki er tilbúið til að láta til sín taka í pólitík,“ segir Sóley Björk í tilkynningu.

Listi VG sem samþykktur var í kvöld:

1. Sóley Björk Stefánsdóttir, bæjarfulltrúi 

2. Jana Salóme Ingibjargar Jósepsdóttir, söngkona og starfsmaður bílaleigu 

3. Edward H. Huijbens, prófessor við HA og varaformaður Vinstri grænna

4. Inga Elísabet Vésteinsdóttir, landfræðingur hjá Þjóðskrá

5. Finnur Dúa, grafískur hönnuður 

6. Þuríður Sólveig Árnadóttir, sjúkraþjálfari 

7. Valur Sæmundsson, kennari og tölvunarfræðingur 

8. Ásrún Ýr Gestsdóttir, starfar við umönnun 

9. Hermann Arason, framkvæmdastjóri 

10. Alfa Dröfn Jóhannsdóttir, sérfræðingur í félagsmálum barna 

11. Einar Gauti Helgason, matreiðslunemi 

12. Anna María Hjálmarsdóttir, ráðgjafi 

13. Ólafur Kjartansson, vélvirki 

14. Kristín Þóra Kjartansdóttir, félagsfræðingur og framkvæmdastýra 

15. Wolfgang Frosti Sahr, framhaldsskólakennari 

16. Arnfríður Kjartansdóttir, sálfræðingur 

17. Sigmundur Sigfússon, geðlæknir

18. Hildur Friðriksdóttir, bókavörður og verkefnastjóri í VMA

19. Samúel Lúkas Rademaker, sjálfstætt starfandi

20. Dýrleif Skjóldal, leikskólakennari og sundþjálfari 

21. Guðmundur Ármann Sigurjónsson, myndlistarmaður 

22. Kristín Sigfúsdóttir, fv. Bæjarfulltrúi