Í kvöld klukkan 19:37 varð skjálfti að stærð 4,1 um 10 kílómetra norðaustur af Grímsey. Um er að ræða stærsta skjálftann í jarðskjálftahrinu sem hófst við Grímsey fyrir um viku síðan og stendur enn. Þetta kemur fram í tilkynningu frá Veðurstofu Íslands.
Í kjölfar skjálftans fylgdu tveir skjálftar að stærð 3, klukkan 19:38 og 19:39. Stuttu fyrr, um klukkan 19:28, hafði orðið skjálfti að stærð 3,2 á sömu slóðum.
Tilkynningar hafa borist um að skjálftarnir hafi fundist í Grímsey. Þá er skjálftahrinan enn í gangi og ekki er hægt að útiloka að fleiri skjálftar, jafnvel stærri, fylgi í kjölfarið.
Sigríður Magnea Óskarsdóttir, náttúruvársérfræðingur hjá Veðurstofu Íslands, sagði í samtali við Vísi fyrr í kvöld að enginn gosórói hafi fylgt skjálftunum. Fleiri en 500 skjálftar hafa orðið á svæðinu við Grímsey frá því á hádegi í dag.
Ekki útilokað að fleiri og stærri skjálftar fylgi í kjölfarið
Tengdar fréttir
Áfram nötrar jörð í Grímsey
Tveir skjálftar yfir 3 að stærð hafa mælst við eyjuna síðastliðnn sólarhring.
Þrír öflugir skjálftar við Grímsey
Mældust með skömmu millibili.
