Twitter eftir leik: „Algjört gjaldþrot"

Anton Ingi Leifsson skrifar 16. janúar 2018 18:52

Íslenskir áhorfendur í stúkunni í kvöld. Vísir/Ernir

Það var líf og fjör á Twitter eins og alltaf þegar íslenskt íþróttafólk er í eldlínunni. Hér að neðan má sjá eitt og annað sem var rætt um á Twitter í kvöld.

Handboltalandsliðið tapaði fyrir Serbíu í síðasta leik riðilsins, en með það litlum mun að það kom ekki í veg fyrir að liðinu yrði hent úr leik. Króatar þurfa þó að vinna Svía á eftir.

Hér að neðan má sjá það helsta, en viðtöl, umfjöllun og meira frá leiknum kemur inná Vísi síðar í kvöld.

Guðjón Valur er kominn með 1810 mörk fyrir Ísland, það er meira en flestir skora á æfingum yfir ævina. 1 besti íþróttamaður sem við höfum átt!
— Auðunn Blöndal (@Auddib) January 16, 2018

Þetta lið er að spila helvíti illa einum manni fleiri það sem af er móti, óþolandi.
— Einar Matthías (@einarmatt) January 16, 2018

Jæja, nú erum við færri. Það er gott, við erum vonlausir fleiri #emruv
— Þórður Helgi Þórðar (@Doddilitli) January 16, 2018

Hreint út sagt dásamlegt að heyra í leikmönnum að negla i grimman Júgga a móti Serbanum #Handkast2018 pic.twitter.com/NWQbmwT2h5
— Gunnar Sigurðarson (@gunnarsigur) January 16, 2018

Fagnaði 20. marki strákanna aðeins of mikið sitjandi einn á Macdonalds á Times Square. Hafði svo minni áhyggjur af því að þykja skrítinn þar sem tveimur borðum frá mér er gaur í hrókasamræðum við sjálfan sig og á móti mér er gömul kona að syngja ofan í kókið sitt. Koma svo!
— Tómas Þór Þórðarson (@tomthordarson) January 16, 2018

Frábær handbolti og frábær markvarsla. En nýtingin á dauðafærum er með ólíkindum. Með svona spilamennsku og eðlilegri nýtingu gætum við staðið í hvaða liði sem er!
— Alexander Einarsson (@alexander_freyr) January 16, 2018

Þetta er eiginlega ótrúlegt
— Thorarinn Ingi V (@thorarinnV) January 16, 2018

Þýðir ekkert að sykurhúða hlutina. Ömurleg frammistaða, karaktersleysi, kæruleysi, trúleysi og getuleysi margra leikmanna. Enn og aftur sýnir liðið að það getur ekki deliverað þegar pressan er mest. Er niðurbrotinn af vonbrigðum.
— Rikki G (@RikkiGje) January 16, 2018

Ég er orðlaus. Algjört gjaldþrot í seinni hálfleik á öllum vígstöðvum. Höngum enn inni á mótinu en með sigri Svía gegn Króötum í kvöld er ballið búið.
— Guðmundur Hilmarsson (@GummiHilmars) January 16, 2018

Er þessi slæmi kafli núna orðinn að öllum seinni hálfleik? Þvílíka ruslið.
— Guðni Þ. Guðjónsson (@TheDuke180) January 16, 2018

Aron P með 7 tapaða bolta í dag og 17 alls. Flesta allra á mótinu.
— Ingvi Þór Sæmundsson (@ingvithors) January 16, 2018

Guð minn almáttugur. Aldrei hefði ég haldið að ég þyrfti að halda með Króatíu #emruv
— Kristjana Arnarsd. (@kristjanaarnars) January 16, 2018

Þetta snýst hvort eð er allt um bensínafsláttinn.. 26kr er nú alveg ásættanlegt. Takk strákar.#emruv
— Henrik bjarnason (@Henrikbjarnason) January 16, 2018

Strákarnir eru drullu heppnir að vera ekki á heimleið núna strax eftir þessa leðju þó það geti enn gerst, Serbarnir áttu eiginlega bara skilið að klára þetta... því miður #emruv
— Birgir H. Stefánsson (@BHStefansson) January 16, 2018

Slæmi kaflinn er víst ekki til samkvæmt íþróttasálfræðingum, en samt erum við að horfa á einn slíkan núna
— Kjartan Atli (@kjartansson4) January 16, 2018

Ég nenni ekki að halda með Króatíu, en á móti Svíþjóð er það svo sem auðvelt. Óttast samt það versta.
— Guðmundur Marinó (@GummiMarino) January 16, 2018

EM 2018 í handbolta

Mest lesið

Fleiri fréttir