Þrír Evrópumeistarar skildir eftir heima

Christian Prokop, landsliðsþjálfari Þýskalands, tilkynnti EM-hópinn sinn eftir síðari landsleikinn gegn Íslandi í gær en val hans var erfitt.

Prokop var með 20 manna hóp í leikjunum tveimur gegn Íslandi og þurfti hann því að skera niður um fjóra leikmenn eftir leikina.

Þrír leikmenn úr Evrópumeistaraliði Þjóðverja frá því fyrir tveimur árum komust ekki í hópinn að þessu sinni. Það eru þeir Rune Dahmke, Finn Lemke og Fabian Wiede. Marian Michalczik komst ekki heldur í hópinn.

Að sama skapi kom nokkuð á óvart að þeir Maximilian Janke og Bastian Roschek skildu komast í gegnum niðurskurðinn.

Þjóðverjar eru í riðli með Svartfjallalandi, Slóveníu og Makedóníu á EM.

Þýski hópurinn:

Markverðir:

Silvio Heinevetter (Füchse Berlin)

Andreas Wolff (THW Kiel)

Vinstra horn:

Uwe Gensheimer (PSG)

Vinstri skyttur:

Maximilian Janke (SC DHfK Leipzig)

Julius Kühn (MT Melsungen)

Paul Drux (Füchse Berlin)

Miðjumenn:

Steffen Fäth (Füchse Berlin)

Philipp Weber (SC DHfK Leipzig)

Hægri skyttur:

Kai Häfner (TSV Hannover Burgdorf)

Steffen Weinhold (THW Kiel)

Hægra horn:

Patrick Groetzki (Rhein-Neckar Löwen)

Tobias Reichmann (MT Melsungen)

Línumenn:

Jannik Kohlbacher (HSG Wetzlar)

Patrick Wiencek (THW Kiel)

Hendrik Pekeler (Rhein-Neckar Löwen)

Bastian Roschek (SC DHfK Leipzig)