Ný heimildamynd um Martin Hermannsson frumsýnd í kvöld

Í dag verður frumsýnd heimildamynd um körfuboltamanninn Martin Hermannsson á Stöð 2 Sport. Myndin nefnist Martin: Saga úr Vesturbæ og er eftir Bjart Sigurðsson.

Í myndinni er rætt við Martin um ferilinn; árin í KR, háskólaboltanum í Bandaríkjunum og atvinnumennsku í Frakklandi.

Í myndinni er Martin einnig fylgt eftir á Evrópumótinu í Finnlandi þar sem hann var í stóru hlutverki í íslenska landsliðinu.

Martin leikur í dag með Chalons Reims í frönsku úrvalsdeildinni.

Martin: Saga úr Vesturbæ verður sýnd á Stöð 2 Sport klukkan 23:00 í kvöld.