Telja stjórnvöld ekki horfa til fólksfjölgunar

Öll sveitarfélögin á Suðurnesjum, auk Sambands sveitarfélaga á Suðurnesjum, hafa sent nefndasviði Alþingis samhljóða athugasemdir vegna fjárlagafrumvarps ársins 2018. Þar segir að ekki hafi í áætlanagerð ríkisins verið tekið tillit til óvenju mikillar fólksfjölgunar á Suðurnesjum.

Fjárlaganefnd þurfi því að skoða sérstaklega fjárframlög ríkisins til stofnana og verkefna á svæðinu, til að íbúar búi við sömu þjónustu og íbúar annarra svæða landsins. Endurskoða þurfi forsendur fjárframlaga.