Banaslys á Miklubraut

Ökumaður bifreiðarinnar sem lenti í alvarlegum árekstri á Miklubraut í morgun er látinn. Þetta staðfestir lögreglan á höfuðborgarsvæðinu í samtali við Vísi.

Maðurinn virðist hafa misst stjórn á bifreið sinni, lent utan í vegriði á Miklubraut við Réttarholtsveg og kastast út úr bifreiðinni. Hann lést við áreksturinn.

Farþegi bílsins var einnig fluttur á sjúkrahús en meiðsl hans eru minniháttar. Báðir mennirnir eru af erlendu bergi brotnir en búsettir hér á landi, samkvæmt upplýsingum frá lögreglu.