Föndurtíminn er fram undan

KYNNING: Föndurverslunin Panduro Hobby opnaði í Smáralind í lok ágúst. Búðin selur fjölbreyttar föndurvörur fyrir alla aldurshópa og allar gerðir föndurs og á að vera draumaverslun föndrarans. Um þessar mundir eru búðin full af alls kyns jólaföndurvörum fyrir aðventuna, sem er hjá mörgum aðal föndurtími ársins.

„Panduro er upprunalega frá Svíþjóð og var stofnuð í kringum árið 1950 af manni sem heitir Panduro að eftirnafni,“ segir Eva Rán Reynisdóttir verslunarstjóri. „Við sérhæfum okkur í föndurvörum fyrir fólk á öllum aldri. Við erum með allt frá barnaleir upp í efni í saumaskap og allt þar á milli.“

Búðin er tiltölulega nýtilkomin, en hún var opnuð 31. ágúst síðastliðinn. „Við höfum fengið mjög góðar viðtökur,“ segir Eva. „Fólk er mjög ánægt að fá svona föndurverslun inn í verslunarmiðstöð og við erum mjög ánægð með viðtökurnar.

Við höfum rosalega mikið úrval, en erum samt eingöngu með gæðavörur,“ segir Eva. „Það er mikil hugsun lögð í allar vörurnar hjá okkur og þær eru líka á góðu verði.“

Jólaföndur sniðugt í skammdeginu

„Núna erum við með alls konar jólaföndur,“ segir Eva. „Við erum með margs konar hráefni og svo erum við með pakkningar af jólaföndri, þar sem þú föndrar allt eftir leiðbeiningum frá grunni. Við erum líka til dæmis með jólakúlur sem er mikið í tísku að skreyta með alls konar aðferðum og hengja upp á jólatré. Svo erum við náttúrulega líka með ýmislegt aðventutengt, eins og til dæmis efni í aðventudagatöl, sem fólk vill oft búa til sjálft.

Föndur er rosalega gott fyrir sköpunargleðina,“ segir Eva. „Þetta er róandi, en þetta ýtir líka undir ímyndunarafl og sköpun og er mjög sniðugt núna til að hressa upp á dimmasta tíma ársins og skreyta fyrir jólin. Þú getur náttúrulega föndrað allan ársins hring, en þessi tími núna fyrir jólin er aðalföndurtíminn.“

Samvera og sköpun

„Föndur er líka sniðugt fyrir fjölskyldur sem vilja finna sér hluti til að gera saman án þess að sitja fyrir framan skjá,“ segir Eva. „Við erum til dæmis með mjög skemmtilegt föndur-teningaspil sem hefur vakið mikla lukku. Þetta er borðspil með teningum sem snýst um að föndra og það getur verið mjög skemmtilegt fyrir alla fjölskylduna.

Föndur snýst um sköpun og við viljum endilega hvetja fólk til að setjast niður og skapa eitthvað fallegt,“ segir Eva. „Panduro er draumaverslun föndrarans og við reynum að vera með allt til alls fyrir föndrara.“