Þurfti að sauma tíu spor í liminn

Mariano Bittolo, varnarmaður Albacete, er ekki þekktasti knattspyrnumaður heims en hann er engu að síður í heimsfréttunum.

Hann varð fyrir því óláni blessaður að fá spark í getnaðarliminn frá samherja sínum um nýliðna helgi. Það var ekki bara óþægilegt heldur fór það mjög illa. Takkar félagans voru svo beittir að þeir skáru félagann á Bittolo.

Hann trúði líklega ekki eigin augum er hann kíkti ofan í stuttbuxurnar sínar og sá blóðpollinn þar.

Skurðurinn á limnum var svo stór að sauma þurfti heil tíu spor í hann. Ekki liggur fyrir hvað Bittolo verður lengi frá vegna þessara meiðsla.

Sjá má er leikmaðurinn meiðist hér að neðan.