Heiðurshöll ÍSÍ komin með sína eigin myndasíðu

Íþrótta- og Ólympíusamband Íslands hefur smátt og smátt verið að bæta íslensku íþróttagoðsögnunum í Heiðurshöll ÍSÍ á síðustu árum.

Heiðurshöll ÍSÍ er óáþreifanleg höll afreksíþróttafólks og afreksþjálfara Íslands, í ætt við Hall of Fame á erlendri grundu.

Framkvæmdastjórn ÍSÍ útnefnir einstaklinga í Heiðurshöll ÍSÍ eftir reglugerð þar að lútandi og er Heiðursráð ÍSÍ ráðgefandi aðili varðandi tilnefningar. Með þessu verkefni vill ÍSÍ skapa vettvang til að setja á frekari stall okkar framúrskarandi fólk og skapa minningar í máli og myndum af þeirra helstu afrekum. Sextán íþróttamenn eru nú í Heiðurshöll ÍSÍ.

Guðmundur Gíslason sundmaður og Geir Hallsteinsson handknattleiksmaður voru útnefndir í Heiðurshöllina þegar Íþróttamaður ársins var valinn í desember síðastliðnum en nýjasti meðlimurinn er frjálsíþróttamaðurinn Jón Kaldal sem var útnefndur í Heiðurshöll ÍSÍ á 73. Íþróttaþingi ÍSÍ þann 6. maí síðastliðinn.

Nú síðast hefur Íþrótta- og Ólympíusamband Íslands aukið við umgjörðina í kringum Heiðurshöll ÍSÍ með því að láta útbúa sérstaka myndasíðu.

Meðlimir í Heiðurshöll ÍSÍ:

Vilhjálmur Einarsson (frjálsar íþróttir) - 28. janúar 2012

Bjarni Friðriksson (júdó) -  29. desember 2012

Vala Flosadóttir (frjálsar íþróttir) - 29. desember 2012

Jóhannes Jósefsson (glíma) - 20. apríl 2013

Sigurjón Pétursson (glíma) - 20. apríl 2013

Albert Guðmundsson (fótbolti) - 20. apríl 2013

Kristín Rós Hákonardóttir (sund) - 28. desember 2013

Ásgeir Sigurvinsson (fótbolti) - 3. janúar 2015

Pétur Guðmundsson (körfubolti) - 3. janúar 2015

Gunnar Alexander Huseby (frjálsar íþróttir) - 18. apríl 2015

Torfi Bryngeirsson (frjálsar íþróttir) - 18. apríl 2015

Ríkharður Jónsson (fótbolti) - 30. desember 2015

Sigríður Sigurðardóttir (handbolti) - 30. desember 2015

Guðmundur Gíslason (sund) - 29. desember 2016

Geir Hallsteinsson (handbolti) - 29. desember 2016

Jón Kaldal (frjálsar íþróttir) - 6. maí 2017